TEMPESTARII, Tempestuarii, in Capitulari Aquisgran. ann. 789. cap. 93. in Capitul. 1. incerti anni. cap. 40. lib. 1. Capitul. cap. 62. et apud Cathwolphum in Epistola ad Carolum.

Qui tempestates et alia maleficia faciunt

, in Capitul. 2. ann. 805. cap. 25. qui νεφοδιώϰται, in Synodo Trullana can. 61.

Emissores tempestatum

in Pœnitentiali Theodori cap. 33. apud Spelm. tom. 1. Conc. Angl. seu immissores, ut habet Cumeanus Abbas lib. de Mensura Pœnitentiarum cap. 7.

Tempestatum immissores, qui quibusdam incantationibus grandines in vineas messesque mittere perhibentur,

in Lege Wisig. lib. 6. tit. 1. § 3. Capitularia Ludovici II. Addit. 2. cap. 18. de Maleficis :

Ferunt, suis maleficiis aëra posse conturbare, et grandines immittere.

Anianus ad leg. 3. Cod. Th. de Malefic. (9, 16.) :

Malefici, vel incantatores, vel immissores tempestatum, vel qui per invocationem dæmonum mentes hominum turbant, omni genere pœnæ puniantur.

Seneca lib. 4. Natur. Quæst. :

Rudis adhuc antiquitas credebat et attrahi imbres cantibus, et repelli.

Ventis magos imperare, tempestates sedare, grandines et imbres ciere, testantur passim Poëtæ. Tibull. lib. 1 :

Quum libet, hæc tristi depellit nubila cælo,

  Quum libet, æstivo convocat orbe nives.

Ovidius lib. 1. Amor. El. 8 :

Cum voluit, toto glomerantur nubila cælo,

  Cum voluit, puro fulget in orbe dies.

Lucanus lib. 6 :

  ..... Legi non paruit æther :

Torpuit et præceps audito carmine mundus.

Mox :

Miratur non ire polum : nunc omnia complent

Imbribus, et calido producunt nubila Phœbo,

Et tonat ignaro cœlum Jove.

Empedocles apud Laërtium pag. 329 :

Θήσεις δ᾽ ἐξ ὄμϐροιο ϰελαινοῦ ϰαίριον αὐχμὸν

Ἁνθρώποις, θήσεις δ᾽ ἐξ αὔχμοιο θερέιου

Ρεύματα δενδρεόθρεπτα, τὰ δ᾽ ἐν θέρει ἀνήσαντα.

Agobardus Lugdun. lib. de Grandine et Tonitru, vanam hanc de Tempestariis sententiam pluribus suggillat. Vide Herardum Archiepisc. Turon. in Capitul. cap. 3. Burchard. Decret. lib. 10. c. 23. lib. 19. pag. 270. Ivon. Carnot. part. 11. c. 36. 53. Pœnitentiale Roman. tit. 6. c. 3. et 20. Bedam de Remediis Peccator. c. 7. Pirminium Abb. in excerpt. ex libris Canonic. Delrium lib. 2. Disquisit. Magic. quæst. II. Petrum de Valle tom. 2. Epist. 5. pag. 520. edit. Paris. etc. Grimm. Mythol. Germ. pag. 365. et 615.