« »
 
[]« Templum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 052b. http://ducange.enc.sorbonne.fr/TEMPLUM
TEMPLUM. Templa appellatas potissimum paganorum ædes sacras docet Cod. Th. tit. de Paganis, sacrificiis, et templis, (16, 10.) locis a Jacobo Gothofredo indicatis in Paratitlo ejusdem tit. § 3. Interdum tamen ita dictæ Christianorum ædes sacræ, ut leg. 4. de his, qui ad Ecclesias confugiunt (9, 45.), d. Cod.
P. Carpentier, 1766.
◊ Glossar. Lat. Gall. ex Cod. reg. 7692 : Templum, Temple, i. navis monasterii. []
Templum, Ordo ipse Templariorum. Will. Brito lib. 5. Philipp. :
Suscipiens habitum Templi Syrias aufugit in oras.
Anonymus de Bell. Franc. in Morea :
Μητροπολίτας, Ἀρχιερεῖς, τὸ Τέμπλο, τὸ Σπητάλη.
Philippus Mouskes in S. Ludovico ann. 1242 :
Dont revint noviele et exemples,
Que li Ospitaux et li Temples,
Li saudoier et li Baron
De toute la tiere environ
Avoient entr'aus fait un Roy, etc.
P. Carpentier, 1766.
◊ Charta delph. Vienn. ann. 1225. inter Probat. tom. 2. Hist. Burgund. pag. 9. col. 1 :
Si ducissa Burgundiæ mihi Templum vel Hospitale constituere fecerit principales debitores,....... et cum Templum vel Hospitale sic fecerint mihi, etc.
Templum, Ædes Templariorum, quomodo Parisiis eorumdem ædes etiamnum appellatur, vulgo le Temple. Monasticum Anglic. tom. 2. pag. 549 :
Dedit Templariis Templum Outtinge pertinens eidem.
◊ Porro in Templo Parisiensi, reconditus olim fuit Thesaurus Regius, jam a temporibus Philippi Aug. Franc. Regis, uti patet ex ejus Testamento : cujus excerptum hoc refertur tom. 2. Hist. Dalphin. pag. 75 :
Præterea præcipimus, quod omnes redditus nostri et servitia et obventiones afferantur Parisius per tria tempora :
1°. ad festum S. Remigii ; 2°. ad Purificationem B. Virginis ; 3°.
ad Ascensionem, et tradatur Burgensibus nostris præd. et P. Marescallo. In receptionibus averi nostri Adam Clericus noster præsens erit et eas scribet, et singuli habeant singulas claves de singulis arcis, in quibus reponetur averium nostrum in Templo, et Templum unam
. Hoc est, Magister Templi clavem quoque unam habeat. Ibidem pag. 74. habentur Literæ ann. 1294. in quibus Philippus Pulcher Franc. Rex
Dalphino et filio quingentas libras parvorum Turonensium annui redditus
assignat,
ab iisdem et successoribus in dicto Dalphinatu percipiendas perpetuo Parisius ad Templum
. Charta ejusdem Regis ann. 1309. in 2. Regesto ejusd. ex Tabul. Regio n. 168 :
Concedentes eisdem hæredibus, et suis hæredibus, ut dictum reditum apud Templum in Thesauro nostro, vel alibi, ubi thesaurus reponetur prædictus, ad festum Candelarum habeant et percipiant annuatim, etc.
Exstat in alio Regesto ejusdem Regis Philippi ann. 1312. compositio, facta a Leonardo de Tybertis sanctæ domus Hospitalis S. Joannis Hierosolymitani Priore Venetiarum, et Locum tenente Magistri Hospitalis prædicti in partibus transmarinis, et ipsius Ordinis Procuratore, et fratre Joanne de Villaribus Præceptore domus de Fieffes Prioratus Franciæ, cum gentibus ejusdem Regis,
super variis Regnis Franciæ receptis nomine dicti domini Regis factis et habitis apud Templum, in quo Thesaurus ejusdem domini Regis servabatur per fratres Ordinis Templi ante reprobationem illius ordinis, ex quo postmodum dictæ gentes prædicti Domini Regis finalem compotum minime recepisse dicuntur, etc
. Data Parisiis 21. die Martii ann. 1312. Ubi præterea hæc habentur, quæ docent penes Templarios regii thesauri custodiam fuisse, ac de eo compota exegisse : ac
proinde dictus Ordo, cui bonorum Templi, quæ prædicto domino Regi pro regimine et custodia dicti thesauri regii dictis Templariis traditi, [] sub eorum cura et periculo obligata remanserant, administratio pro Terræ Sanctæ subsidio est commissa, in perpetuum remanebit quitus et penitus absolutus, super rationibus aut compotis exhibendis occasione receptæ cujuslibet a Fratribus ordinis Templi nomine dicti domini Regis factæ in dicto thesauro vel alibi, nec non super omni eo, quod ab Ordine nostro prædicto occasione receptarum aut rationum seu compotorum hujusmodi reddendorum ex ipsis receptis deinceps peti posset
.
◊ Apud Anglos perinde Thesaurus Regius reponebatur in Novo Templo Londinensi. Matthæus Paris ann. 1232. de Huberto de Burgo Angliæ Justitiario repetundarum postulato :
Exegit rationem.... de quintadecima et sextadecima, et aliis redditibus, tam ad Scacarium suum, quam ad Novum Templum Londinense, (ubi Spelmannus in voce Justitia addit, ubi etiam reponebantur pecuniæ regiæ,) et alibi.
les Bénédictins de St. Maur, 1733–1736.
Templum Dei, Deo fidele, cœleste, Cœtus Christianorum, Ecclesia, Lactantio lib. 4. Institut. cap. 14. et lib. 2. de Morte persecutorum cap. 2. et 15.
les Bénédictins de St. Maur, 1733–1736.
Templum Domini, Templum Militiæ, Jerosolymis. Jacobus de Vitriaco lib. 3. Hist. Orient. n. 12. apud Marten. tom. 3. Anecd. col. 277 :
In Templo Domini Abbas est et Canonici regulares. Et sciendum est, quod aliud est Templum Domini, aliud Templum Militiæ. Isti Clerici, illi Milites.
© École des chartes.