1. TEMPORALIA, Pulvinus, Gall. Coussin ; forte quod in eo reclinentur tempora, sic dictus. Rituale Suession. MS. a Martenio nostro laudatum in Tractatu de antiq. Eccl. Discipl. in divinis Officiis pag. 382. ubi de Feria vi. Parasceves :

Dum cantatur (Tractus,) Archidiaconus ascendat in pulpitum sic : Clericus cum incenso nudis pedibus eum præcedat : deinde Subdiaconus ferens Temporalia, infula indutus, post illum Archidiaconus ferens Evangelium panno serico rubro involutum ; infula sua plicata et in modum stolæ super humerum imposita ; finitoque Tractu statim incipiat, Passio Domini, etc.

In Additis recentioribus ad Missale Suession. ad hunc diem legitur :

Subdiacono tunica induto, pulvinar tenente, etc.

2. TEMPORALIA, Bona clericorum. Gall. Le Temporel, in Instrumentis Gall. Christ. novæ edit. col. 159. apud Ludewig. tom. 6. Reliq. MSS. pag. 5. Rymer. tom. 3. pag. 120. col. 1. tom. 8. pag. 393. col. 1. Kennett. Antiq. Ambrosd. pag. 330. et alibi passim. Temporale dominium, apud eumdem Ludewig. tom. 5. pag. 508. Vide Regalia 2. et Temporalitas 2. Haltaus. Glossar. German. col. 2073. voc. Weltlichkeit.

3. TEMPORALIA, Jejunium quatuor temporum. Charta ann. 1181. apud Murator. tom. 5. Antiq. Ital. med. ævi col. 264 :

Ecclesia sanctæ Mariæ ad Carceres debeat solvere annuum censum, scilicet solidos centum pro ecclesia sancti Salvatoris nobis et successoribus nostris omni anno in Temporalibus Nativitatis Domini in perpetuum.