Ad matutinas vero, antequam quid fiat, omnia signa simul pulsantur in principio ; quæ quidem pulsatura vocatur Terræ-motus, hoc est quod omnes moveantur ad devotionem propter solemnitatem festivitatis.

In hac vigilia (Apostolorum Petri et Pauli) in qua tantummodo fit descensus pro invitatorio dicendo, tertium responsorium non reiteratur, nec per priorem claustralem dicitur ; nec in eo fit Terræ-motus : sed immediate post orationem matutinarum, fit commemoratio solemnis de prædictis festivitatibus ; et tunc pulsantur omnia cimbala in claciscum, etc.