1. TESURA, Claustrum vel cratis, qua ingressus loci defenditur, prohibetur. Charta ann. 1073. ex Tabular. Monast. S. Quintini in insula pag. 14 :

Tesuris nunc existentibus in dicto vivario, etc.

Infra :

Et si aliquis novas Tesuras in dicto vivario existentibus de cloiis novis.

Rursum :

Tesuras prædictas in dicto vivario existentes de cloiis novis et retibus factas de palis et virgis retinere poterunt, etc.

Tabular. S. Michaelis in periculo maris :

Ego Clamarhocus dedi Deo et S. Michaeli unam Tesuram, id est, piscatoriam in mari.

Tesure non semel in Chartis Gallicis, ibid. pag. 17. et alibi. Fateor tamen hanc vocem derivari posse a tendre : sic enim in Ordinat. ann. 1293. pro piscationibus, ibid. pag. 23. v° :

Et defendons tendre as archas ; et pescher aux gardons freaux, etc.

Huc spectare videtur Chron. Bertrandi du Guesclin MS :

Toutes les garnisons le verront coramment

Des gens d'armes qui vont gardant maint Tassement.

2. TESURA, Thesura, Plagæ, rete, textus, Gall. Filet, alias Tesure. Libert. castri de Crudio ann. 1325. in Reg. 62. Chartoph. reg. ch. 467 :

Cujuscumque conditionis seu generis censeretur (venatio) excepto cum filatis seu rete, et alia Tesura, vocata saumach.

Libert. Petræ assis. ann. 1341. in Reg. 74. ch. 647 :

Item quod quicumque capiens extra eorum columbarium columbos cum filatis in xxx. sol. Turon. et cum Thesura v. sol.

Charta ann. 1391. in Reg. 148. ch. 59 :

Incolæ dictorum locorum (de S. Paulo, etc. in Occitania) ...... habent usum, ademprivum, libertatem, franquesiam et consuetudinem piscandi cum quibuscumque Tesuris, retibus et modis consuetis...... Item habent usum, ademprivum capiendi cum quibuscumque modis et Thesuris quæcumque animalia fera et silvestria.

Alia ann. 1247. in Chartul. S. Corn. Compend. fol. 97. v°. col. 2 :

Je devant diz Robers..... recounois que li prévoz de Rumigni... puist penre en ce bos lievre ou counin, lou, renart, et taison, sans haie faire et sans Tesure, etc.

Hinc Tesurer, Retia seu plagas tendere, in Charta ann. 1326. ex Hist. Sabol. pag. 249 :

Que lesdiz bourgeais.... ne puissent Tesurer, ne mettre fillé : mais ils pourront chacier, porter arc, trere et chienz mener.

Vide supra Tensura 3.