TETRAVELUM, Velum quadruplex, seu vela quatuor, quæ in circuitu ciborii quo altare tegitur, expandi solent, uti pluribus docuimus in descriptione ædis Sophianæ n. 65. Vox ibrida. Anastasius in Sergio PP :

Hic fecit in circuitu altaris basilicæ Tetravila octo, quatuor ex albis, et quatuor ex coccino.

In Leone III :

Sed et super altare majus fecit Tetravela holoserica quatuor cum astillis et rosis chrysoclabis.

Ibid. :

Fecit et in circuitu altaris, ubi supra, alia vela alba holoserica rosata, quæ pendent in arcu de ciborio numero quatuor, etc.

Rursum :

Fecit Tetravila alithyna ornata in circuitu de quadrapulo.

Mox :

Nec non et Tetravela rubea alythyna quatuor, ubi supra fecit.

Occurrit præterea in hac Vita semel ac iterum pag. 142. 144.