THRYMSA, Glossarium mediae et infimae latinitatis, Du Cange et al.

« Thrymsa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 103a. http://ducange.enc.sorbonne.fr/THRYMSA

THRYMSA, Genus nummi Anglo-Saxonici.

In Legibus Æthelstani, ubi omnium capita æstimantur, hæc habentur :

Archiepiscopus et Satrapa (qui Corle dictus est) 15000. Thrymsis, Episcopus et Aldermannus 8000. Belli Imperator et summus Præpositus (hodie Vicecomes) 4000. Thrymsis.

Vide Concilium Grateleanum ann. 928. cap. 13. Lambardus Thrimsam nummum trium solidorum fuisse ait, a Treo, quod tria sonat : vel ut Spelmannus, a þprim, quod ternos significat. In Glossario Saxon. exarato sub Edw. III. Wrinsa, vel Wrimsa, et est solidus denariorum : ubi legendum videtur Thrimsa.

les Bénédictins de St. Maur, 1733–1736.

◊ Thrymsa non est trium solidorum nummus, sed moneta solido minor, scilicet quatuor denariorum : cujus nomen non a Treo, ut vult Lambardus, vel a Trim, ut ait Spelmannus, deducendum est, sed a Tremissis, ut docet Hickesius Dissert. pag. 110. Est autem Tremissis vel Tremissus quatuor denariorum, seu tertia pars assis, vel solidi, ut dicitur infra, quod et perspicuum est ex Lege Ripuar. cap. 23 :

Tremissem, id est, quatuor denarios componat.

Vide Tremissis.

P. Carpentier, 1766.

◊ Quæ opinio hic ex Hickesio profertur, hanc ipsemet emendat in Præfat. ad tom. 1. pag. xlj. quem consule. Adde Phillips. de Jure Anglos. not. 186.