TINCTENETUM inter grana tincturæ utilia et necessaria recensetur, in Stat. pro lanif. et pannif. ann. 1317. ex Reg. A. Cam. Comput. Paris. fol. 195. v° :

Grana insuper gauda, gayda, garencia, Tinctenetum, pastellum, cardones domestici sive franchi, clavati cineres atque ligna, et cætera omnia et singula, quæ ad paraturam, tincturam, adaptationis complementum et perfectionem pannorum parandorum... utilia, necessaria et expedientia fuerint,.... nullatenus extrahantur.

Lit. Caroli IV. ann. 1321. in Reg. L. Chartoph. reg. ch. 4 :

Grana insuper, gauda, gaydia, garancia, Tintenetum (sic), brisolium et quodcumque pastellum, etc.

Quæ rursum occurrunt in Lit. ann. 1332. ex Reg. 69. ch. 324. Unde male editum tom. 2. Ordinat. reg. Franc. pag. 90 :

Tinctæ, nec non pastellum.

Adde præterea Lit. ann. 1333. in Reg. 66. ch. 1251 :

Tinctenetum, pastellum, etc.