TINPENI, Tributi species, apud Anglos : forte quod pro fodinis stanneis pendebatur : ex Anglo-Sax. Peni, denarius, pensitatio, et tin, stannum. Charta Henrici II. Regis Angliæ tom. 1. Monastici Angl. pag. 419 :

Non tributa, non xenia, non lestagia, non....... tethinpeni, non Tinpeni.... exigat.

Charta alia ejusdem Henrici tom. 2. Monastici Anglic. pag. 1003 :

Nulla persona... exigat... non saumagia, non vectigalia, non navigia, non opera, non tributa, non xenia, non lestagia, non tethingpanie, non Timpany.

Alia apud Th. Blount in Nomolexico :

Sint quieti de tributis et lastagiis et stallagiis, et theting-peny et Tympeny, et summonitionibus, etc.