TONIUM. Testamentum ann. 1299. apud Baluz. tom. 2. Hist. Arvern. pag. 522 :

Item et Aymericus filius meus possideat et habeat hereditario centum solidos renduales ad vitam suam duntaxat. Item et Margarita filia mea volo quod habeat et possideat hereditario centum solidos renduales ad vitam suam duntaxat. Item lego dicto Guidoni filio meo successionem Tonium et freyreschiam, exceptis centum solidis quos Agnes primogenita percipiet post mortem Aymerici fratris sui.

Mendum inesse puto in hac voce, ac fortean legendum omnium, adeo ut Guido constituatur hæres omnium reddituum, qui aliis fratribus ad vitam dumtaxat conceduntur.