TONNUM, Vox, ut opinor, male scripta aut lecta ; qua Compitum significari videtur. Instr. ann. 1406. tom. 9. Ordinat. reg. Franc. pag. 221 :

Judex et commissarius per suas litteras præcepit et mandavit..... præconi publico Valenciæ, quatinus publice et alta voce proclamaret et injungeret ex parte dicti domini episcopi, more solito et per loca et Tonna consueta, quod omnes et singuli cives et habitantes et incolæ civitatis prædictæ Valenciæ, caput hospicii facientes, se præsentent, conveniant et congregarent, etc.

Vide supra Connus.