« »
 
[]« Traga » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 148a. http://ducange.enc.sorbonne.fr/TRAGA
TRAGA, Plaustri species. Glossar. Lat. Gall. MS. Thuanum : Hæc Tragua, Havet. Charta Simonis Comitis Northampton. in Monastico Anglic. tom. 1. pag. 851 :
Qui cum quadriga, vel Traga, aut onere per licentiam forestarii de bosco fuerit egressus.
Occurrit iterum pag. 853. Nescio an aliud traca sonet in Consuet. Monast. de Regula :
De Traca coriorum boum, ovium, vel caprarum, 4. den.
Hujus vocis sensus supra suo ordine exponitur.
les Bénédictins de St. Maur, 1733–1736.
Tragua, Eodem significatu. Charta ann. 1165. Marcæ Hispan. col. 1344 :
Quoniam novos usaticos et novas consuetudines[] misisset in civitate Dertosa, videlicet jovas Traguis, etc.
Vide Tragina.
Tragula. Papias : Trahæ, quæ rustici Tragulam vocant. Idem rursum :
Traha, genus vehiculi, a trahendo dictum, nam non habet rotas.
Addit Brito : Sic etiam appellatur instrumentum dentatum, quod equus trahit super terram de novo seminatam pro semine recondendo et glebulis conterendis. Gloss. Latino-Gall. : Traha, Herce. Gloss. Gr. Lat. MS. Χαμοῦλϰος, Trahea. Edit. Trahe. Sed leg. Traha. Gloss. Lat. Gr. : Trahea, τυϰάνη τὰς βώλους ἀφανίζουσα. Eædem Glossæ : Traduco, ϰαστρός, ὄχημα δίχα τροχῶν. Ubi puto legendum Tragula. Ælfrici Gloss. Traha, cive. Unde nostrum Civiere. Gloss. Lat. Gall. : Traha : Civiere, ou broüette. Sangerm. : Traha, civiere, ou berohete, ou herche. Virgii. lib. 1. Georg. :
Tribulaque, Trahæque, et iniquo pondere rastri.
Paralipom. lib. 1. cap. 20 :
Fecit super eos tribulas et Trahas.
Matth. Paris ann. 1259 :
Ligones, tridentes, Trahas, vomeres, aratra, etc.
Thwroczius pag. 50 :
Rex Andreas post hæc cito incidit in paralysin, et tam hiemali quam æstivali tempore super Traha ferebatur.
Josephus Barbarus in Itinerario ad Tanaim :
Trahis secum vehunt omnia, quæ volunt, et quidem in eo celerrime sese expediunt. Trahæ apud eos in eo usu sunt, quo apud nos fortasse carri ; et hi a latere et parte dextra Travali vocantur.
© École des chartes.