TRANEX, Glossarium mediae et infimae latinitatis, Du Cange et al.

« Tranex » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 152b. http://ducange.enc.sorbonne.fr/TRANEX

TRANEX, vel Tranix. Edictum Rotharis Regis tit. 101. § 61. 300. et Lex Longob. lib. 1. tit. 19. § 7 :

Si quis Tranicem de vite aliena inciderit, componat medium sol.

Ita tres editiones. Quidam codices MSS. habent Travices, et in lemmate, de radice vitis. Sed legendum puto de traduce vitis, ut in ipsa lege traducem, id est vitis surculum, quem ita appellant Varro lib. 1. de Re rustica, Columella lib. 4. cap. 29. lib. 5. cap. 6. et alii. Nisi titulus de radice vitis, sit vice Glossematis. Itali Tralcio palmitem dicunt.

les Bénédictins de St. Maur, 1733–1736.

◊ Palmitem aut flagellum interpretantur Vossius lib. 2. de Vitiis serm. cap. 18. et Martinius in Lexico, sic dictum a Saxonico, vel Germanico Rancke : quod idem significat. Hinc pro Tranicem puto legendum Traucem, ut habet unus MS. Estens. alter præfert Trance, ut annotat Muratorius tom. 1. part. 2. pag. 40.