TRANSPORTUS, Cessio, transcriptio, Gall. Transport. Charta Ecclesiæ Æduensis, qua Præpositura ejusd. Eccl. annectitur mensæ Episcopali :

Rogantes dictum nostrum Capitulum prædictum Transportum, annexam et appropriationem ratificari.... promittens per fidem nostram contra præsens Transportum seu aliquod præmissorum non venire.

Charta ann. 1377. e Bibl. Regia :

Mirabatur quomodo dictus Dux cessionem et Transportum receperat.

Rursum occurrit in Litteris Johannis Franc. Regis ann. 1360. tom. 3. Ordinat. Reg. pag. 453. Arresto Parlamenti ann. 1394. apud Menesterium in Probat. Hist. Lugdun. pag. 79. col. 2. Regesto ann. 1450. apud Baluz. tom. 2. Hist. Arvern. pag. 388. apud Rymer. tom. 9. pag. 763. col. 2. Marten. tom. 1. Anecd. col. 1518. et passim in Chartis recentioribus.