TRANSPUNGERE, Perforare, ita ut sanguis exeat. Lex Aleman. tit. 64. § 3 :

Si autem collus Transpunctus fuerit.

Tit. 65. § 3 :

Si quis alicui brachium super cubitum Transpunxerit, etc.

§ 5 :

Si manum Transpunxerit, ita ut focus non intret ad coquendum venas, vel sanguinem stagnandum, etc.

§ 24 :

Si autem in latus punctus fuerit.

Adde § 26. 30. 31. Lex Anglior. tit. 5 :

Corpus Transpunctum, coxa vel brachium Transpunctum, et sanguinis effusio.

Ibid. § 13 :

Si ipse stomachus perforatus fuerit,

et infra non semel. Leges Henrici I. Regis Angl. cap. 93 :

Si Transpunctus sit ad utrumque os, etc. Lumbi truncati..... intus puncti,.... Transpuncti, etc.