TRAVALLUM, Catasta ubi calceantur et curantur equi, Gall. Travail, quod a Trefs, Trabs deducit Borellus. Regestum Olim ad ann. 1267 :

Inquesta facta..... ad sciendum utrum...... spectat ad dom. Regem, Travalla equorum et stalla terræ defixa, quæ sustinentur super columnas solo adhærentes, quæ cheminis et viis præstant impedimentum, propter hoc tollere. Probata est hæc consuetudo, videlicet quod potest tollere stalla aut scalla et Travalla terræ noviter defixa, præstanti a viis impedimentum.

Nostrum Travail hac notione, vel a Trepalium, de qua voce infra, vel ab Ital. Travaglio accersendam putat Menagius ; sed probabilius a voce Trabs prima origo deducitur.