TRAVERSIA 1, Glossarium mediae et infimae latinitatis, Du Cange et al.

« 1 traversia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 160b. http://ducange.enc.sorbonne.fr/TRAVERSIA1

1. TRAVERSIA, Vicus transversarius. Statuta Massil. lib. 6. cap. 12.

de tabulis non faciendis in Traversiis nisi ad certam mensuram

Nullus a modo in viis rectis audeat facere tabulas habentes ultra quatuor palmos, et quod nullum obstaculum ante dictas ab aliquibus apponatur, nec in Traversiis ultra tres palmos

. Statuta Arelat. MSS. art. 47 :

Nullus audeat portare fimum.... a portali usque ad Traversiam S. Eulalie.

Testamentum Anglici Episc. Alban. et Cardin. ann. 1388. apud Stephanotium tom. 10. Fragm. MSS. pag. 339 :

Lego... unam magnam domum ..... quæ confrontatur ab interiori et posteriori partibus cum carreriis publicis.... et ab alia parte cum quadam modica Traversia.

Testament. ann. 1509. ex Schedis D. Le Fournier :

Confrontata cum vinea Georgii, cæca quadam Traversia in medio.

Quædam plateæ Traversines Parisiis dicuntur, quod sint transversariæ.

P. Carpentier, 1766.

◊ Pro Angiportu, Gall. Cul-de-sac, occurrit in Charta ann. 1371. ex Reg. 103. Chartoph. reg. ch. 37 :

Item quoddam aliud hospitium,.... situm in quadam Traversia, quæ non transit.

Quod transverse in alium vicum incidat, sic dicta videtur. Par le Treval des champs, pro vulgari A travers les champs, Per campos, in Charta ann. 1344. ex Reg. 72. ch. 424 :

Lors icellui Guillaume s'avança par le Treval des champs, et se meussa en une fosse.

Infra :

Au travers les champs.