« »
 
[]« Trezenum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 174a. http://ducange.enc.sorbonne.fr/TREZENUM
TREZENUM, Pretii venditionis pars decima tertia, quæ domino exsolvitur pro laudimio, seu vendendi facultate vassallo vel tenenti indulta : nostris, le Treziesme denier : nude Treiziéme, in Consuet. Norman. art. 114. 171. 174. [] Trezain Provincialibus : qua de re consulendi Bonus in Observat. ad Statuta et Consuetud, Provinciæ cap. 16. pag. 24. et Mourgues in Statut. pag. 153. Charta Provincialis ann. 1236. in Regesto Tolosano Cameræ Comput. Parisiens. :
Dantes prædictis Dominis Cadarossæ et eorum hæredibus et successoribus licentiam et plenariam potestatem, quod ipsi inter se nobis irrequisitis et inconsultis sine Trezeno, accepto (leg. accapto), et laudimio possint vendere, permutare, etc.
Donatio facta Templariis Tolonensibus a Gaufrido et Rostagno de Aguto :
Reddito tamen Trezeno vel seignoria, quam habent ibi Domni.
Charta Michaëlis Archiepiscopi Arelatensis ann. 1214. qua Castrum de Belliquadro cedit Simoni Comiti Montisfortis, in 30. Regesto Archivi Regii Ch. 59 :
Pedagia sive in aqua, sive in terra, lesdas, quintale, cordam, furnos, sextairale, jurisdictionem, justitias, firmantias, Trezenos, medios trezenos, laudimia, monetam, etc.
Adde Conc. Avenion. ann. 1279. cap. 1. et ann. 1326. cap. 11. Instrum. Gall. Christ. novæ edit. tom. 3. col. 217. 248. Statuta Massil. lib. 2. cap. 1. § 37. cap. 29. § 3. lib. 3. cap. 30. § 12. cap. 5. § 3. 5. cap. 36. Hist. Dalphin. tom. 1. pag. 98. col. 2. tom. 2. pag. 74. col. 1. pag. 110. col. 1.
Trezenum in omni casu alienationis,
in Homagio ann. 1371. e Schedis Præs. de Mazaugues. Occurrit passim in Chartis MSS. in quibus aliquando scriptum legitur Tresenum.
les Bénédictins de St. Maur, 1733–1736.
Trezenum, Quævis decima tertia pars e qualibet re percepta. Transactio ann. 1212. ex Histor. Montis-Majoris MS :
Testes probaverunt monasterium habuisse pacifice ab omnibus ibi piscantibus ...... de avibus craneis Trezenum pro pulmento, et de venatione capita aprorum, etc.
Transactio ann. 1223. e Schedis Pr. de Mazaugues :
Licitum erat dictis hominibus in dicta sylva piscari et aucupari, dato domino sylvæ Trezeno avium et piscium.
Vetus Recognitio MS :
Item quartam partem Trizeni pecunie, quam et quod percipit.... Item etiam quartam partem Treseni seu Tresene partis pecunie, quam accipit in quolibet navigio.
Trezenare, dicitur, qui habet jus exigendi Trezenum. Charta Tarasconensis de venditione cujusdam
feudi Franci, sub majori dominio, alta et bassa jurisdictione, baneria, et jure laudandi et Trezenandi magnifici et egregii viri Ludovici le Maingre, dicti Bossicault, Domini loci Burbonis et condomini Insularum de Massagauta
. Charta clientelaris dominii de Tritis ann. 1533 :
Item census et servitia, tam pecuniaria quam bladi, cum jure laudandi, Trezenandi, jureque prælationis retinendi, etc.
Tredecima recensetur etiam inter auxilia, imposita sub Joanne Rege pro bellicis necessitatibus, in Charta Caroli V. 16. Nov. 1380. quæ habetur in Regesto Andegavensi Cameræ Comput. Paris. fol. 49 :
Par ces presentes quittons et remettons et annullons, et mettons du tout au neant tous aydes et subsides quelconques, qui pour le fait desdites guerres ont esté imposées, cueillis et levez depuis nostre predecesseur le Roy Philippe que Dieu absoille jusques aujourd'hui, soient fouages, impositions, gabelles, Treiziémes, quatriémes, et autres quelconques ils soient, et comment qu'ils soient dis ou nommez, etc.
© École des chartes.