« »
 
[]« Tributales » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 178a. http://ducange.enc.sorbonne.fr/TRIBUTALES
TRIBUTALES, Coloni liberi, obnoxiæ licet conditionis, ut qui ad tributa et serviles operas tenerentur. Donationes [] factæ Eccl. Salisburgensi cap. 1 :
Dedit ..... idem Theodo Dux, de Romanis Tributales homines 80. cum coloniis suis in diversis locis.
Cap. 3 :
Tradidit...... villam cum Tributalibus suis.
Ibid. :
Tradiditque Tributales Romanos ad eumdem locum in diversis locis colonos centum sedecim.
Eod. cap. :
Cum omnibus appenditiis suis et mansis 60. inter servos et Tributales. Tributales manentes,
cap. 5. Vetus donatio apud Meichelbec. tom. 1. Hist. Frising. pag. 52 :
Dono casas, curtes, mancipias, servos, liberos, Tributales, etc.
Et infra :
Hæc sunt nomina famulorum servientium seu liberorum Tributalium, etc.
Tributarii, Eadem notione. Gloss. Lat. Græc. : Υπόφορος, ὑποτελής, Tributarius.
<cit>Salvianus lib. 5. de Gubernat. Dei :
Tributarii omnino pauperes non putantur, nisi cum his tributi cumulus imponitur.
</cit>
<cit>Testamentum S. Aredii :
Addimus etiam mancipia, quæ Colonaria appellantur, et nobis Tributaria esse perhibentur.
</cit>
<cit>Gregorius Turon. l. de Gloria Confessor. cap. 103 :
Testisque est ipse populus hodieque, qui cum sanitatem recipiunt, statim se Tributarios loco illi faciunt, ac recurrente circulo anni, pro redditæ sanitatis gratia, tributa dissolvunt.
</cit>
<cit>
Tributarius Romanus,
in Lege Salica tit. 43. § 8. et in Recapitulat. ejusdem Legis § 14. dicitur vetus Galliæ incola, respectu Francorum, qui ab omni tributo immunes erant, contra quam alii, ut docet Gregorius Turon. lib. 7. Hist. cap. 15.</cit>
<cit>Charta ann. 744. tom. 2. Monastici Angl. pag. 844 :
Hæc vero vocabulorum signa tomi stylo indita sunt, ne forte litium vel contentio, seu jurgium, jam erepserit inter Tributarios vestros, nostrosque colonos, etc.
</cit>
<cit>Vide tom. 3. pag. 115. 116. Theodorus Campedonensis, de S. Magno cap. 25 :
Inquisivit.... quomodo in vicina loca potuisset Tributarios invenire de eodem pago, qui vectigalia annuatim redditibus regiis inferre debebant.
</cit>
<cit>Traimundus Clarevallensis Epist. 2 :
In tantum, quod aliqui ex vobis primæ institutionis obliti penitus, vel ignari, contra ordinis vestri gloriam et decorem, villas, molendina, ecclesias, et altaria possident, fidelitates et hominia suscipiunt, rusticos et Tributarios tenent.
</cit>
Adde Stephan. Eddium in Vita S. Wilfridi cap. 8. Egbertum de Ecclesiastica institutione pag. 92. Walafridum Strabum de Miraculis S. Galli cap. 11. etc. Observat Cujacius ad tit. Cod. de Agricolis, censitis et colonis, lib. 11. ascriptitios tributarios esse, id est, capitis censum sive capitationem præstare : colonos vero non esse tributarios, licet reditus certos et pensiones domino terræ præstent in pecunia, vel in speciebus, pro solo.
Tributaria Terra, unde tributum ad partem regiam, vel ad Ecclesiam, exigi solet, in Lege Longob. lib. 3. tit. 8. § 2. Ludov. P. 31. in Capit. Caroli M. lib. 4. cap. 37. et in Capitul. 4. ann. 819. cap. 2.
L. Henschel, 1840–1850.
Tributaria Casa, in Leg. Longob. Roth. cap. 257. et Luitpr. 59. (6, 6.)
Tributarium, Modus agri a tributariis seu colonis possessus et cultus, Colonia. Charta Offæ Regis Anglor. in Evidentiis Ecclesiæ Cantuariensis ann. 990 :
Dedi enim illi 90. Tributaria terræ bipartita in duobus locis, 60. in loco, qui dicitur, etc.
les Bénédictins de St. Maur, 1733–1736.
Tributare, Italis, Tributum exigere. Chron. Placent. Joh. Demussis ad ann. 1376. apud Murator. tom. 16. col. 527 :
Erant in dicto Episcopatu plusquam l. cives, qui tenebant bannitos et faciebant[] Tributare districtuales, et etiam cives et forenses, qui transibant per dictum Episcopatum.
Statuta criminalia Riperiæ cap. 116 :
Si quis Tributaverit aliquem, et qui tributum acceperit, in havere puniatur.
© École des chartes.