![[]](img/image.png)
TRINIUMGELDUM, Compositio delicti majoris ac atrocioris, per ter novem gelda, seu
mulctas : a Saxon. tri-nigon-geld, id est ter nona solutio : proinde diversa a
trigildo, seu triplici compositione, vel mulcta. Lex Bajwar. tit. 2. art. 13. §
1 :
Si quis infra curtem Ducis aliquid involaverit, quia domus Ducis domus publica est, Triniumgeldum componat, hoc est, ter novem donet liber homo : servus vero niungeldo solvat, aut manus perdat.Rursum occurrit tit. 1. art. 3. § 3. utrobique Baluzius legit Trimniungeldo, et Terniungeldum tit. 8. artic. 2. § 2. Triplum novigeldum dicitur in Lege Burgund. tit. 76. § 2.