TRISTATÆ. Hieronymus in cap. 23. Ezechielis :

Tristatæ apud Græcos nomen est secundi gradus post regiam dignitatem, quos nos Magistratus utriusque Militiæ et Præfectos annonarii tituli vocamus.

Exod. 14 :

Καί ἔλαϐεν ἑξαϰόσια ἅρματα, ϰαί Τριστάτας ἐπὶ πάντων. Et accepit sexcentos currus electos, et Duces super omnes.

Et 4. Regum 7 :

Καὶ ἀπεϰρίθη ὁ Τριστάτης, et respondens unus de Ducibus.

Theodorus Studita in S. Platonem n. 17. Copronymum τῆς εἰϰονομαχιϰῆς αἱρέσεως Τριστάτην vocat. Vide Glossar. med. Græc. col. 1611. d. Fridegodus in Vita S. Wilfridi cap. 15 :

Convenere Duces, nec non basilica pubes,

Tristatæ, Comites, vulgi promiscua strages.

Et cap. 47 :

Non Reges, non Tristatas, Regumve clientes.