« »
 
[]« Tristega » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 188a. http://ducange.enc.sorbonne.fr/TRISTEGA
TRISTEGA, Tristegum, Ædificium constans tribus tabulatis, (quæ ϰαταστρώματα vocat Cantacuzenus lib. 1. Histor. cap. 36.) contignationibus, vel cœnaculis, ut habet Hieronymus in Ezechielis cap. 41. Jo. de Janua et Will. Britto in Vocab. et Auctor Mamotrecti : Tristegum dicitur locus tricameratus. Papias Tristega, tricamerata, a trino tegmine, vel tribus tectis. Gloss. Lat. Gall. : Tristegum, Maison à trois ordres de sièges. Aliud Sangerman. :
Tristegum, Maison ou lieu à trois chambres.
Vetus Interpres Juvenalis Sat. 3 :
Tabulata superiora tecta et Tristega. Τρίστεγον,
in Actibus Apost. 20. 9. et in Vita S. Eupraxiæ Virg. cap. 42. Τρίστεγος οἶϰος, apud Theophanem ann. 39. Theodosii Jun. Hieronymus in cap. 41. Ezechiel. Τρίστεγα, tertia cœnacula interpretatur. Ita Tristega, proprie est cubiculum superius, tametsi sæpe pro quovis usurpetur. Abdias Babylon. lib. 3. Hist. Apostol. pag. 26 :
Sanctus quoque Apostolus descendens de Tristega, prædicabat eis verbum Domini.
Infra :
Et adhibentes scalas, volebant ascendere in Tristegam, ut eos interficerent.
Gregorius Turon. lib. 8. cap. 42 :
Dum epularetur cum diversis in Tristega, subito effracto pulpito domus, vix semivivus evasit.
Matthæus Paris ann. 1247 :
Habebat namque in ipsa navi, sicut de arca Noë legitur, [] diverticula, et Tristegas, cameras, et conclavia, etc.
Idem in Historia minori MS :
Clam concepit ab Stephano, qui eam duxerat ad Comitem Andegaviæ maritandam in nave, scilicet in quodam Tristego navis ipsis pro thalamo præparato.
Gen. 6. 16 :
Fenestram in arca facies, et..... cœnacula et Tristega facies in ea.
Alcimus Avitus :
Tristegaque hic facies, simul et cænacula in illis.
Tristega, Officina mercatorum. Charta Guarini Episcopi Ambian. ann. 1145. in Chartul. Ecclesiæ Ambian. :
Si autem cellarium, vel Tristega ad merces negotiatorum reponendas construere voluerint.
Tristega, Latrina. Vide Privata.
Tristega, Machina bellica, turris tribus constans tabulatis. Sugerius de Consecr. Eccl. S. Dionys. pag. 353 :
Ad Tristegas et propugnacula facienda.
Epistola Balduini Imp. CP. apud Arnoldum Lubecensem lib. 7. cap. 20 :
Turribus autem supereriguntur ligneæ turres altissimæ stationum sex, etc.
Bristega, perperam pro Tristega, non uno loco apud Will. Brittonem in Philippide lib. 4. pag. 138 :
  ................ Nec minus alte
Per loca Bristegæ, castellaque lignea surgunt.
Idem lib. 7. pag. 174 :
Haud secus absumit Bristegas, valla, domosque.
Ubi frustra Gaspar Barthius vocem a Germanico arcessit. Vide Belfredus.
Tristegum, Machina lignea in campanariis, in quibus pendent campanæ, vulgo Beffroy. Liber Miraculor. S. Bertini cap. 3. apud Mabillonium :
Sed et turrile ipsius (Ecclesiæ) licet noviter esset superpositum, quia antiquo more erat factum, deposuerunt, et aliud miræ magnitudinis mirabilisque fabricæ studuerunt ædificare, cujus longitudo consistentis in terra æquabat altitudinem culminis Ecclesiæ, cui superponendum erat. Nec mirum, Tristegum enim, ut vulgariter loquamur, trium tripodum ordinibus factum fuerat, excepta summa claxendice.
Vide Belfredus. Sugerius de Administr. sua :
Lapideas turres, et ligneas Tristegas concussit.
Tristegum occurrit alia, sed incerta mihi notione, apud Knyghton. lib. 1. de Eventib. Angl. cap. 2 :
Et post prandium cum intraret cameram, vidit unum Tristegum cum imagine ad similitudinem unius sagittarii, tenentis arcum cum sagitta.
Tabulatum interpretor.
Tristegon, nescio qua perinde notione usurpet Petrus Subdiaconus Neapolit. Ecclesiæ de Miracul. S. Agnelli Abbatis :
Tristegon uberius, decurrat sancta profando
Agnelli sancti miracula sancta canendo,
© École des chartes.