TROGULUS, Cuculla, vestis monachalis, Papiæ. Vita S. Egwini Episc. Wigorn. n. 16 :

A primævo juventutis flore semper usus fuit cilicio.... ad carnem nudam indutus erat Trogulo, ipsam debilitatem et infirmitatem carnis suæ corporali maceratione et jejunio devincens.

Vita S. Mauri Abb. cap. 1 :

Sub Monachali tunica semper asperrimo a scapulis usque ad renes induebatur Trogulo.

Vita S. Genulfi l. 1. n. 10 :

Asperrimo ex pilis reinduebatur Trogulo.

Lib. 2. n. 2 :

Sed asperrimo cilicii Trogulo nuditatem corporeæ fragilitatis velarent.

Ex his facile colligitur Trogulum genus cilicii fuisse, atque adeo a cuculla maxime distinctum.