1. TROIA, Machina bellica, Gallis Truie, seu Troye, uti suem vocat Consuetudo Solensis tit. 15. art. 8. tit. 16. art. 5. ita dicta, quod humum, ut sus, subvertat. Turpinus cap. 9 :

Septimo mense aptatis juxta murum petrariis, et mangonellis, et Troiis.

Quo loco Meursius perperam stotis reponit ; est enim Troia, nostrum Truie. Chronicon Bertr. Guesclini :

..... C'estoit pour convoier

Un engin con nommoit Truie en cest heritier.

Froissart. 2. vol. cap. 2 :

Ils envoyerent querir à la Riolle un grant engin, qu'on appelle Truie, lequel engin étoit de telle ordonnance, que il jettoit pierre de faix : et se pouvoient bien cent hommes d'armes ordonner dedans, et en approchant assaillir la ville.

Meminit præterea ejusmodi machinæ cap. 102. ejusd. vol. Sed vix crediderim ex genere balistarum fuisse, uti vult Froissartes, cum probabilius sit, inventam ad suffodiendos muros, eamdemque esse, quæ ab aliis Scriptoribus, vocabulo Latino, Sus appellatur. Vide in hac voce. Troiam autem veteribus Latinis pro sue accipi docet Pomponius Sabinus ad 1. Æneid. Armaque fixit Troia :

Troia, inquit, nomine in Latio scrofa appellatur, etc

. Sed et in Regesto Castri Lidi in Andibus fol. 47. occurrit :

Venatur etiam in longo alneto per singulos annos 5. cervos, totidemque cervas, 5. porcos, totidemque Troias.

Chartul. S. Vincentii Cenoman. f. 169 :

Accepit a monachis S. Vincentii pro concessione ipsa quandam Troiam.

Statuta Montisregalis pag. 207 :

Item statutum est, quod aliqua persona non possit nec debeat tenere, nutrire facere, in domibus plateæ dictæ civitatis, aliquas bestias porcinas, videlicet ultra tres porcos masculos, seu tres Troias castratas.

Rursum occurrit pag. 267. et alibi non semel. Itali Troja dicunt ead. notione. Vide Bestemiæ.