« »
 
[]« Trona » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 193a. http://ducange.enc.sorbonne.fr/TRONA
TRONA, Statera publica, seu trutina, apud Scotos et Anglos, unde forte corrupta vox, uti censet Somnerus, qui eamdem putat cum ea, quam Angli Troyweight vocant. Statuta Davidis II. Regis Scotiæ cap. 39 :
Ordinatum sit, quod sit Trona ad lanas ponderandas in burgis regiis, per singulos portus regni,... et sit in quolibet loco Tronarius, qui percipiat de Rege unum denarium de sacco.
Iter Camerarii Scotici cap. 1 :
Custumarii Tronæ.
Cap. 30 :
Et faciat, quod examinentur pondere Tronarum.
Adde Fletam lib. 2. cap. 12. § 15.
Tronatores, Qui ad tronam lanas appendunt. Idem Iter Camerar. cap. 15 :
Tronatores calumniabuntur, quod non custodiunt officium suum in tentando (al. Tronando) lanas ; sed quibusdam personis lanas tentant, etc.
Tronagium, Vectigal, quod pro trona pensitatur, in Fleta lib. 4. cap. 1. § 16. Monastic. Anglic. tom. 1. pag. 976 :
Sint quieti de omnimodo pavagio,..... cariagio, picagio, terragio, Tronagio, pontagio, etc.
Vide Seldenum de Titul. Honorar. edit. [] 1. part. 2. pag. 199. et Steph. Skinnerum in Etymologico Anglico. Privilegium Leduini Abbat. S. Vedasti Atrebat. ann. 1036. e Chartulario ejusd. Abbatiæ :
Majus pensum lanæ, fileti, uncti, casei Anglici iii. den. pro thelon. et i. den. pro Tronagio... pensum casei Flamingi ii. den. pro theloneo et pro Tronagio i. obol.
Vide Pesagium.
les Bénédictins de St. Maur, 1733–1736.
◊ Ex iis emendo Litteras ann. 1353. apud Rymer. tom. 5. pag. 762. col. 2 :
Cum eadem lanæ, coria, pelles et plumbum debite Trovata et cokettata... fuerint.
Leg. Tronata, i. ad tronam appensa. Sic et in aliis ann. 1356. ibid. pag. 875. col. 1 :
Licentiam dedimus præfato Thomæ, quod ipse dictos centum saccos lanæ usque dictam villam Berewici ducere, et eos ibidem per Trovum (leg. Tronam) pro lanis ponderandis in portu villæ Novi castri deputatum (deputatam) in præsentia collectorum custumarum nostrarum in dicto portu Novi castri, per Trovatorem (leg. Tronatorem) nostrum in eodem portu Novi castri ponderare, etc.
P. Carpentier, 1766.
◊ Nostris Troneau et Tronel, Stateræ species, verticillum, harpax, vulgo Peson. Lit. remiss. ann. 1386. in Reg. 130. Chartoph. reg. ch. 78 :
Lequel exposant prist un Troneau, appellé plumes au pays (Meun-sur-Loire) duquel il pesoit à la main son chanvre, ses cordes et denrées, etc. Un crochet ou Troneau à quoy on poise fil,
in aliis ann. 1401. ex Reg. 156. ch. 257. Aliæ ann. 1408. in Reg. 163. ch. 76 :
Cum Guillelmus Voleius.... caseos suos in platea loci de Laurano venderet et cum pondere romanæ, Gallice Tronneau, ponderaret, etc.
Denique aliæ ann. 1393. in Reg. 145. ch. 231 :
Jehan des Champs d'un Tronel, dont l'en poise laine, rua audit Jourdain pour le cuidier ferir.
Vide supra Thronum.
© École des chartes.