« »
 
[]« 1 turnus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 214a. http://ducange.enc.sorbonne.fr/TURNUS1
1. TURNUS, Vices, seu ordo quo quisque vice sua aliquid peragit, Gall. Tour, rang. Charta ann. 1405. pro Cantoria S. Capellæ Paris. apud Lobinell. tom. 3. Hist. Paris. pag. 138. col. 1 :
Capellani Canonicorum ad suæ Turnum hebdomadæ ad totum teneantur servitium.
Statuta ejusdem S. Capellæ ibid. pag. 156. col. 2 :
Completo uno Turno incipit alius.
Adde pag. 499. col. 1. Chartam ann. 1480. apud Miræum. tom. 2. pag. 1343. col. 1. Constitut. Eccl. Valent. tom. 4. Concil. Hispan. pag. 182. Bullam ann. 1602. tom. 3. Hist. Lotharingiæ inter Instr. col. 446. etc.
P. Carpentier, 1766.
◊ Nostris vulgo A son tour, alias sa fois, vice sua. Lit. remiss. ann. 1406. in Reg. 161. Chartoph. reg. ch. 182 :
Quant icellui varlet fu bien lasse d'avoir getté des pierres et n'en povoit plus, il dist au suppliant....... qu'il getast auzdiz oiseaux des pierres sa fois. Ung tour de taille,
dicitur de unica silvæ cæsione, in Reg. 13. Corb. sign. Habacuc ad ann. 1511. fol. 120 :
Pour les copper (les bois) ung Tour de taille, tant qu'ilz seront une foiz tous coppez.
Hinc A tour de papier, pro vulgari A tour de rolle, in Lit. remiss. ann. 1449. ex Reg. 180. ch. 72.
Turnus, vel Turnum Vicecomitis, ad verbum significat vicem Vicecomitis, id est, duo tempora in anno, quibus ille letam universi Comitatus tenet. Est igitur Turnum Vicecomitis, Curia recordi in omnibus rebus, quæ pertinent ad Turnum ; et est leta Regni per totum Comitatum, cujus Vicecomes judex est. Quicumque proinde letam habet, eadem gaudet prærogativa in procinctu suo, qua Vicecomes in Turno. Ita Rastallus. Joan. Britton. in Legib. Angl. cap. 29 :
Et sount ascuns articles touchaunts nostre Corone et nostre peas enfreint pledables par Viscontes autrefois que à jours de countes, et aillours que par là où les plées del Visconte sount tenus, lesquels plées sount appelez Tours de Visconte, que deux foits par an les doit tenir parmi chescun Hondred de son Conté.
Fleta lib. 1. cap. 20. § 106 :
Vicecomites non debent facere Turnum suum, nisi bis in anno ;
videlicet et semel post Pascha, et iterum post festum S. Michaëlis
, ut est in Charta Henrici Regis Angl. ann. 1155. apud D. Brussel tom. 2. de Feudorum usu pag. vi. Adde lib. 2. cap. 52. § 2. et Statutum 2. Westmon. cap. 15. Ad ejusmodi Turnos omnes tenentes convenire tenentur, præterquam Archiepiscopi, Episcopi, Abbates, Priores, Comites, Barones, ac viri religiosi, præterea mulieres, nisi eorum præsentia ob aliquam causam specialiter exigatur. Qui vero diversa tenementa habebant in diversis hundredis, ad eos tantummodo Turnos [] venire tenentur in ballivis, ubi sunt conversantes. Ita Statutum Marlebridgense sub Henrico III. cap. 10. Scribit Joannes Stiernhookus lib. 1. de Jure Sueonum vetusto cap. 2. initio, judicia antiquitus Hwarp dicta fuisse, Adamo Bremensi (cap. 229.) teste, quæ vox hodie circuitum, revolutionem, seu vicissitudinem significat, sive, inquit, quod judicia ad revolutiones solares lunaresve haberentur, quod et Tacito in Germania observatum, sive quod in unum conveniens multitudo, Judici circumfusa, conglomeraretur, sive denique, quod per vices facto circuitu singuli territorii Patres familias ad judicia convenire tenerentur, prout id in antiquo et novello jure præceptum exstat.
Turnus, Pro ea præstatione, quæ Vicecomiti datur, Turnum tenenti, pro exemtione et immunitate eundi ad Turnum. Wil. Thorn. :
Sed nihilominus solvit quoddam certum ad Turnum Vicecomitis cum aliis de hundredo, etc.
Idem alibi :
Erat istud breve directum Rogero de Reinham Vicecomiti Cantiæ per Galfridum Barown pro tenentibus Abbatiæ non veniendis ad Turnum Vicecomitis, nisi per unum hominem, qui deferat Turnum.
Mox ex Charta Edw. II. Regis Angl. ann. 1330 :
Et per petitionem suam coram ipso patre nostro Consilio suo exhibitam, suggerentium, quod Borghesaldrus et quatuor homines de qualibet borga eorumdem maneriorum, tempore, quo ipsi ad Turnos Vicecomitis in eodem Comitatu ad ea, quæ ad visum franci plegii contingunt, præsentandum venerunt, et quendam reditum, qui Turnus Vicecomitis nuncupatur, secum detulerunt.
Monasticum Angl. tom. 1. pag. 502 :
In perpetuum quietæ sint de sectis Comitatuum et hundredorum nostrorum, de visu franci plegii et Lawedayorum, de Turno et auxilio Vicecomitum, et omnium aliorum ballivorum et ministrorum nostrorum.
Adde pag. 669. Vide Auxilium Vicecomitis.
Turnus Bursæ, alias Retractus per bursam. Libertates Bergeraci in Vasconia art. 39 :
Quicumque vendiderit aliquam rem immobilem, et quis de parentela infra quartum gradum venditoris voluerit eam habere per Turnum bursæ, etc.
Infra art. 41 :
Rem venditam Tornare poterit infra annum et mensem, etc.
Rursum ibid. art. 44. et 45. Tornarius dicitur, qui retrahit rem venditam atque etiam Tornator art. 46. Vide Consuetud. Andegav. art. 370. 371. Cenoman. art. 380. 381. Blesensem art. 200. Lemovic. art. 41. etc.
les Bénédictins de St. Maur, 1733–1736.
Tornaria, Idem quod Turnus bursæ. Consuetudines Ausciorum MSS. ann. 1301. art. 60 :
Ratione Tornariæ prædicti proximiores prædictis primoribus emptoribus restituant et reddant, quasvis tornatas habebunt et tenebunt.
© École des chartes.