VACUAMENTUM, Locus vacuus ædificiis et incultus. Charta ann. 1054. apud Murator. tom. 2. Antiq. Ital. med. ævi col. 645 :

Concedo et largior seu confirmo vobis res juris predicti monasterii nostri : id est Vacuamentum integrum, extendentem in longitudinem suam pedes, plus minus, supra platea sexsaginta et quattuor, et in lato ab uno capite pedes quadraginta et quattuor, et ab alio capite similiter pedes, plus minus, similiter triginta et quattuor, cum egresso et regresso suo,.... quæ est posita in hac civitate Ravenna...... prope basilica S. Laurentii.

Alia ann. 1141. ibid. tom. 5. col. 227 :

Capella mea in eo sita, seu etiam cum toto et integro cimiterio, et Vacuamento circa jam dictam S. Georgii martyris Christi ecclesiam posita. Voi,

pro Vuide, ut videtur, vacuus, in Lit. ann. 1315. tom. 1. Ordinat. reg. Franc. pag. 600. Vide supra Vacantia 4.