VAISCHA, Vaychia, Vaisha, Arboris minutioris species. Charta ann. 1332. in Reg. 66. Chartoph. reg. ch. 1098 :

Usum in tota foresta habere consueverunt, videlicet in sunalhis mortuis ad terram prostratis,..... et faciendi alia necessaria ad opus lignandi, portandi, vehendi seu tirandi ligna et fustes prædictas de tota foresta prædicta, videlicet de Vaychiis et aliis arboribus viridibus, exceptis.... arboribus fructiferis, etc.

In Charta sequenti legitur Vayschis ; altera habet Vaischis. Charta ann. 1341. in Reg. 72. ch. 360 :

Prædictam concessionem dictarum quadraginta sextariatarum terræ, cum quibusdam Vayshis et aliis minutis arboribus modici valoris.... vobis facimus..... Et quod prædictas Vayshas et alias arbores minutas, infra dictas terras existentes, possitis in totum vel in parte evellere.

Quibus ultimis verbis Dumus, Gall. Buisson, significari videtur.