VALE Ultimum, præstatio, quæ a subditis domino fit, cum ab ejus dominio recedunt. Charta redit. priorat. S. Vinc. de Naintré in diœc. Pictav. ex Tabul. S. Germ. Prat. :

Le prieur prend la moitié de sept solz Tournois, que doivent lesdiz mariez, quant ils s'en vont demourer hors ladite paroisse de Naintré, pour leur Ultimum Vale.

Eadem nomenclatura donabatur apud Argentinenses Præstatio pecuniaria, quæ ultra portionem canonicam plebanis pensitabatur ab hæredibus eorum, qui extra parochiam suam elegerant sepulturam. Vide Schilter. ad Chron. Kœnigsh. pag. 1123.