1. VALENS, Valor, pretium. Tabularium Bellilocense in Lemovicib. n. 175 :

Et accepi a vobis pretium, juxta quod inter nos bene complacuit, vel aptificatum fuit, hoc est, tam in Valente, quam in argento solidos mille.

Charta apud Madox in Formul. Anglic. pag. 253 :

Quod si præfatam terram eis warentizare non poterimus, mutuum ad Valens in aisiamento fratrum, eis dabimus.

Charta ann. 1042. ex Tabul. S. Victoris Massil. :

Si vero non potero, Valentem illam dabo in alio loco.

Alia ann. 1410. ex Schedis Præs. de Mazaugues :

Totam illam magis Valentem donavimus.

Caffari Annal. Genuens. apud Murator. tom. 6. col. 288 :

Erat scilicet Valens librarum miliaria decem et septem.