« »
 
[]« Veges » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 260c. http://ducange.enc.sorbonne.fr/VEGES
VEGES, Vas vinarium, modius, dolium : Italis Veggia. Vita S. Joannis Episcopi Tragur. :
De tanta paucitate uvarum tres majores jam replevimus Vegetes.
Vita S. Andreæ de Galeranis :
Ivit ad Vegetem, et facto signo Crucis hausit abunde, Vegete reppleta divinitus.
Bondelmontius in Descript. CP. :
Vinea pro qualibet in ea trium vel quatuor Vegetum vini crescit.
Domnizo lib. 1. de Vita Mathildis. cap. 13 :
Imperat argenti Vegetem subito fabricari.
Bulla Alexandri PP. ann. 1179. apud Ughellum tom. 8 :
Sexaginta saumas puri vini per annum, cum Vegetibus, in quibus possit reponi.
Vide eumdem tom. 6. pag. 646. Epistola Siculorum ad Martinum IV. PP. ex Chron. MS. Agrigentinæ Eccl. :
Nec est sub silentio contegenda nefanda malignitas pincernarum, qui sub prætextu unius Vegetis de falerno, ... omnes cives et cauponarios affligebant, vinum universarum cauponarum videlicet Vegetes sigillantes sub certa pœna, etc.
Hinc emendanda Concilia Hisp. tom. 4. pag. 161 :
Teneantur (præpositi) præparare et habere cellaria, Vegeces et alia necessaria ad recondendos fructus præpositurarum.
Leg. Vegetes. Vide Ottonem Morenam pag. 49. Petrum Mariam Campum in Regesto 2. part. Hist. Placentinæ pag. 361. 364. 373. Petrum Crescentium de Agricult. lib. 5. extremo, Murator. tom. 8. col. 1083. tom. 9. col. 772. Acta SS. tom. 2. April. pag. 463. Acherium tom. 3. Spicil. pag. 502. Marten. tom. 3. Anecd. col. 36. tom. 6. Ampl. Collect. col. 1317. præterea Menagium et Ferrarium in Vegghia.
les Bénédictins de St. Maur, 1733–1736.
Vegies, ut Veges, non semel in Statutis Placent. lib. 6. fol. 81. v°.
Veggiola, Doliolum, apud eumdem Campum in Regesto tom. 3. pag. 264. Veziola vini, apud eumdem lib. 15. pag. 76.
les Bénédictins de St. Maur, 1733–1736.
Vegiolla, Vegiolus, Pari significatu. Statuta Placent. lib. 6. fol. 66. v° :
Vegiolla vini in qua venditur et ducitur calzina sit capax xvi. stariorum ad minus, et qui contrafecerint, puniantur in xx. sol. Plac. et ipsa Vegiolla in platea communis comburatur. Vegiolus,
ibidem fol. 82.
les Bénédictins de St. Maur, 1733–1736.
Vezola, Vezolus, Simili acceptione. Johan. Demussis in Chron. Placent. ad ann. 1185. apud Murator. tom. 16. col. 456 :
Eodem anno fuit maxima abundantia vini, ita quod dabatur Vezola vini de Fuxusta pro denariis xviii.
Castellus in Chron. Bergom. ibid. col. 900 :
Dum [] Tridaterra de la Corna habitator de valle Breni haberet certam rixam occasione cujusdam Vezoli cum Petro Thaddæi, etc.
les Bénédictins de St. Maur, 1733–1736.
Vegestiuncula, Eodem intellectu. Acta S. Davanzati tom. 2. Jul. pag. 527 :
Tamen semel quamdam Vegestiunculam imbuit vino, etc.
Vegeticulus, Eadem notione, in Chronico Anconitano apud Julianum Saracenum in Hist. Marcæ Anconit. pag. 139. Mag. Boncompagnus de Obsid. Anconæ apud Murator. tom. 6. col. 931 :
Unde tunc quidam Vegeticulum resina et pice plenum, cum strue lignorum projecit.
les Bénédictins de St. Maur, 1733–1736.
Vegiticulus, Eodem sensu. Statuta datiaria Riperiæ cap. 12. fol. 5 :
De quolibet plaustro Vegiticulorum et doliorum, pro introitu soldi quinque,... et intelligatur plaustrum de decem Vegiticulis, et plaustrum de doliis triginta.
les Bénédictins de St. Maur, 1733–1736.
◊ Alia notione Veges legitur in Memoriali Potestat. Regiens. apud Murator. tom. 8. col. 1136 :
Muratum fuit palatium dictum communis Regii usque ad summitatem.... et facta fuit Veges murata de Foliano.
Vide Vezia. Nec magis mihi constat quo significatu occurrit in Chron. Parmensi apud Murator. tom. 9. col. 763 :
Et quum prope eos venissent cum duobus carrociis, summo diluculo de castris recesserunt, et Vegetes et multa alia dimiserunt.
Nisi Veges sit pro vehes, plaustrum.
© École des chartes.