Venatio, Ferina, feræ ipsæ, quæ inter venandum capiuntur aut interficiuntur : Gallis Venaison. Charta Ottonis Comitis Viromandensis, apud Hemeræum in Augusta Viromand. ann. 1025 :

Eo tenore, ut bannum et latronem, corveias, carrucarias, silvæ hajas ad capiendam Venationem ulterius non persolvant, nisi unum denarium, et unum panem, et unum sextarium avenæ.

Matthæus Paris ann. 1135 :

Sicut Rex Henricus fecerat, qui singulis annis eos implacitaverat, si vel Venationem cepissent in silvis propriis. etc.

Charta Joan. Regis Angl. pro Forestis ann. 1215 :

Nullus de cætero amittat vitam, vel membra pro Venatione nostra ; sed si aliquis captus fuerit et convictus de captione Venationis, graviter redimatur, si habeat, unde redimi possit.

Vitæ Abbat. S. Albani :

Obvium habuit quendam ministrum Domini Abbatis,.... ferentem Venationem, quam pro xenio idem serviens.... afferebat.

Ita apud Bromptonum pag. 803. 1024. Vita S. Fructuosi Archiepisc. Bracarensis n. 4 :

Cum eum vidisset super unum rupis gradum in oratione prostratum, existimans in rupe esse Venationem, tetendit arcum, etc.

Gariopontus lib. 5. Passion. cap. 12 :

Ex volatilibus, attagenes, anates, perdices, ficedulas, et omnes Venationes, lepores, capreas, et alia agrestia omnia.

Adde Legem Salicam tit. 35. § 1. et Chartam ann. 1231. apud Miræum tom. 1. pag. 750. col. 2. MS :

Mout aura grant planté de char et de poisson,

De sangliers, de cers, et autre venoison.

Vetus Poëta MS. e Bibl. Coislin. nunc Sangerm. :

Sire alez chacer en mon parc

O chiens, o reseau et o arc :

Alez chacer à Venoison

Que à grant planté en avon.

MS :

N'est maniere de Venoison

Dont il n'y ait à grant foison.