VERCHERIA, Allobrogibus, Dos, fundus in dotem feminis concessus : Arverni superiores eadem notione Valcheire, inferiores Chancere dicunt. Charta Amalrici Comitis Montisfor. in Tabul. Ebredun. Eccl. ann. 1222. apud Guichenon. in Bibl. Sebus. cent. 1. cap. 31 :

Ego feci fidelitatem V. Bernardo Ebredun. Archiepiscopo de omnibus illis, quæ habeo in Ebredunensi civitate...... ratione Vercheriæ uxoris meæ, filiæ Comitis Dalfini.

Eamdem Chartam refert Bouche tom. 2. Hist. Provinc. pag. 181. ubi monet nomine Vercheriæ Provincialibus significari dotem mulieris. Unde colligitur hanc vocem eodem sensu acceptam fuisse in pluribus provinciis. Verchiere, eodem intellectu, in Charta acquisit. comitat. Valent. et Diens. ann. 1404. ex Cod. reg. 6008. fol. 203. v° :

Item ledit Roy dauphin prend de present la charge de payer à l'ancienne comtesse de Valentinois, et à quoy ledit comte peut estre tenu à elle ou à aultre, à cause de la Verchiere ou dot, dont la dicte comtesse ou aultre pourroit faire poursuite ou demande contre ledit comte. Berchiere,

eadem notione, supra in Bercheria. Hinc Vercayrar, Prov. Dotare, in Glossar. Provinc. Lat. ex Cod. reg. 7657. Vide infra Verqueria 2. Sæpe usurpatur pro quovis modo agri : eoque præsertim qui alendis vervecibus idoneus est. Charta ann. 1202 :

Vendiderunt....... unum caponem in manso Curresii in parochia Perissei posito, et Vercheriam, quæ tendit a furno usque ad marescum, etc..... et 2. Vercherias, et 1. pratum, quæ sunt, etc.

Charta libertatum villæ S. Germani in Foresio ann. 1229 :

Volumus, quod, qui habent vineas, hortos, vel Vercherias infra terminos inferius expressos, etc.

Terrag. Bellijoc. :

Super quadam una Vercheria continente semen dimidiæ cupatæ vel circa, sita in dicta parochia loco dicto en la Verchiere Baudier.

Occurrit præterea in Actis capitul. Eccl. Lugdun. ann. 1345. fol. 126. v°. in Maceriis Insulæ Barbaræ tom. 1. pag. 110. et alibi. Vide Vercheria in Berbix 1.