VERNIA, Verniaria, Vernaria, Idem videtur quod Vernetum, Alnetum. Charta fundat. S. Hippolyti Verniensis in pago Ruthen. ann. 943. apud Marten. tom. 1. Anecd. col. 75 :

Villa mea quæ dicitur illa Vernia.

Infra :

Ad monasterium construendum in illa Vernia.

Tabularium Conchense in Ruthenis ch. 103 :

Et illo prato de Roseto cum ipsas albaretas, cum ipsas Vernias similiter dimittimus, etc.

Ch. 106 :

Hoc est alodus noster de Vermo calmo, cum vineas, cum Vernas, cum pratos, cum mansione, etc.

Ch. 109 :

Unus campus cum Vernias, cum terras cultas et incultas, etc.

Ch. 110 :

Unus pratus cum Verniarias, cum albaredas, etc.

Ch. 115 :

Tradidimus, hoc est Vernaria nostra in loco, quæ vocatur, etc.... Et habet ipsa Vernaria et ipsa terra in se fines de uno latus, etc.

Ch. 116 :

Et de subtus terra cum Vernaria, etc.

Ch. 455 :

Et in parochia de Campolviado donamus alium mansum in illa Vernia, hoc totum damus ad alodem.

Adde ch. 117. 148. 163. 187. 266. 270. 306. 338. etc. Charta fundationis Capellæ S. Valpurgis Compendiensis :

Dedimus in dotem tres mansos in Verneria, quam Hadegerus in beneficii jure de nostro tenebat dono, etc.

Vide Verna.