« »
 
[]« Veronica » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 285a. http://ducange.enc.sorbonne.fr/VERONICA
VERONICA, Romanis appellatur tabella, in qua Christi Domini, pergentis ad Crucis supplicium, divino miraculo expressa effigies efformatur, quæ asservatur et colitur Romæ in Ecclesia S. Petri. Voce, ut quidam volunt, formata ex Vera Icon. Clemens IV. tom. 2. Epist. 484. ann. 1268 :
Quid enim superest, nisi ut ipsa Veronica cum Apostolorum capitibus transportetur, et urbs toto spoliata thesauro, confusionis induta diploide, habeat in æternum quod lugeat.
Nicolaus IV. PP. ann. 1290 :
In ea namque basilica sui pretiosissimi vultus imaginem, quam Veronicam fidelium vox communis appellat, in singularis amoris insigne tribuit venerari, etc.
Sed et alios Pontifices Clementem VI. VII. VIII. Gregorium XIII. etc. hanc tabellam, seu potius sudarium eo nomine appellasse auctor est ex Jacobo Grimaldo Bzovius in Annal. Eccl. ann. 1216. num. 16. Adde Jacobum Card. de Anno Jubilæo cap. 1. Matth. Paris et Matth. Westmonaster. ann. 1216. eumdem Matth. Paris ann. 1249. pag. 514. Bromptonum pag. 121. Henricum Rebdorffensem ann. 1350. præterea Bernardum Guidonem de Sanctis Lemovicensib. pag. 629. De S. Veronica integras disputationes instituerunt præter Baronium ann. 34. num. 138. vir singularis eruditionis Godefrid. Henschenius 4. Febr. Franciscus Quaremius lib. 4. Elucidar. Terræ Sanctæ, peregr. 6. cap. 14. § 4. et seq. et Bzovius ann. 1216. num. 15. et seqq.
P. Carpentier, 1766.
◊ Venice appellatur in Lit. Caroli VI. ann. 1381. ex Reg. 121. Chartoph. reg. ch. 117 :
Plusieurs habitans de nostre ville de Paris, hommes et femmes, c'est assavoir marchanz et marchandes de toyles ès hales de Paris..... meuz de dévotion ont entencion et propos de créer, faire et ordonner une confrarie à l'onneur de Dieu et de la benoite Vierge Marie et en especial de sainte Venice vierge..... en l'église parochial de S. Eustace de Paris, en la chapelle..... de S. Michiel l'Arcange, etc.
Plura erudite de Veronica disserit Mabillonius in Museo Ital. pag. 88. et 89.
les Bénédictins de St. Maur, 1733–1736.
Veronica, Imago tabellam prædictam repræsentans. Comput. ab. ann. 1333. ad ann. 1336. tom. 2. Hist. Dalphin. pag. 275 :
Pro tribus Veronicis magnis et sex parvis, taren. 1. gran. x.
Veronicam appellatum Ciborium antiquæ basilicæ Vaticanæ videtur scribere Nicolaus Alemannus in Dissert. de Lateranensibus parietinis pag. 40.
© École des chartes.