VERSUS 1, Glossarium mediae et infimae latinitatis, Du Cange et al.

« 1 versus apertionis » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 287b. http://ducange.enc.sorbonne.fr/VERSUS1

1. VERSUS Apertionis, in Regula Magistri cap. 44. Psalm. Domine, labia mea aperies, etc. Amalarius lib. 3. de Eccl. Offic. cap. 9 :

In nocturnali officio dicimus primo, Domine, labia mea aperies, etc. Deinde sequitur Gloria.

Versus Clusor, qui dici solet in clausula Officii Ecclesiastici, qualis hodie : Benedicamus Domino, in eadem Regula Magistri cap. 37.

les Bénédictins de St. Maur, 1733–1736.

Versus, nude dicitur Gratiarum actio post mensam, in Vita S. Odonis sæc. 5. Bened. pag. 193 :

Finis lectionis eum revocaverat ab excessu....... Versu dicto pro negligentia satisfacturus abbati, etc.

Versum Perdere dicebantur Monachi, cum ad Refectorium tardius venerant, primusque aut secundus vel tertius orationis versus jam dictus esset, in libro Usuum Ordinis Cisterciensis cap. 109. 116. in Institutionibus Rainardi Abbatis Cisterciensis cap. 64. in Instit. Capituli General. ejusdem Ordinis, distinct. 6. cap. 6. dist. 14. cap. 13. quo casu pœnitentiæ seu veniæ obnoxius erat. De versu refectionis, agit idem liber Usuum Cisterc. cap. 121.

Versarius, Liber Ecclesiasticus, continens Versus, qui canuntur in Ecclesia. Necrologium Ecclesiæ Parisiensis

10. Kal. Aug. :

Dedit nobis..... psalterium cum hymnis, duos troperios duos versarios, etc.

les Bénédictins de St. Maur, 1733–1736.

Versus. Constitut. 2. Justiniani de confirm. Digest. :

In centum quinquaginta pene millia Versuum totum opus consummantes et in septem partes eos digessimus.

Ubi versus membra orationis integra sive periodos Duarenus intelligit : alii cum Contio lineas interpretantur.

les Bénédictins de St. Maur, 1733–1736.

Versus. Prologus Defensoris Mon. in lib. Scintillar. apud Mabill. tom. 2. Annal. pag. 704. col. 2 :

Sicut naviganti portus, ita et mihi Versus fuit optabilis.

Operis conclusio indicatur, nisi me fallo : usus quippe erat opera versu aliquo concludere.

« 2 versus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 287c. http://ducange.enc.sorbonne.fr/VERSUS2

2. VERSUS, pro Adversus. Chron. S. Petri Vivi apud Acher. tom. 2. pag. 753 :

Invenerunt eum (Regem Franciæ) variis militiæ bellis implicitum, scilicet Versus Regem Anglorum, etc.

P. Carpentier, 1766.

◊ Hinc à l'Environ, pro Envers, à l'égard, erga, in Lit. remiss. ann. 1446. ex Reg. 178. Chartoph. reg. ch. 108 :

Tant par temptacion de l'ennemy et de jeunesse, que aussi pour le hardement, foles et simples manieres que avoit et tenoit à l'Environ d'icellui suppliant une jeune fille,.... il la cogneut charnelement.