« »
 
[]« Vidimare » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 323b. http://ducange.enc.sorbonne.fr/VIDIMARE
VIDIMARE, Apographum ad exemplar exigere, Gall. Vidimer. Litteræ Vidimus ann. 1559. ex Schedis Præs. de Mazaugues :
Illud transcribi et Vidimari, et illius Vidimus seu transcriptum cum Instrumento prædicto originali debite collationari... petiit.
Infra :
Transcribi, Vidimari et exemplari.
Aliæ ann. 1564. ex Tabul. Eccl. Massil. :
Dictas litteras transcribi, transumi et Vidimari... requisivit.
Hist. Epist. Patav. Georgii II. et Friderici I. apud R. Duellium tom. 2. Miscell. pag. 312 :
Nosque debita cum instantia rogavit quatenus easdem litteras diligenter conspicere et examinare, Vidimareque transsumtum et exemplar... dignaremur.
les Bénédictins de St. Maur, 1733–1736.
Vidimatio, Recognitio scripturæ. Translat. S. Norberti tom. 1. Jun. pag. 913 :
Præsentes sub sigillo vicariatus et amplissimi domini Vicarii generalis Vidimatione, per secretarium expediri fecimus.
Vide in Visus.
Vidimus, pro Apographo a Notario vel Secretario descripto ; de qua voce vide Reinhartum Robigium lib. 10. Robigal. cap. 16.
Vidimus de lettre,
in Consuetudine Nivernensi tit. 4. art. 16. 35. tit. 5. art. 6. 14. Ordinat. Humberti II. ann. 1340. tom. 2. Hist. Dalph. pag. 398 :
Item quod de ipsis privilegiis et cautelis Registrum in forma publica fieri faciat, ad hoc ut originalia semper in tuto remaneant, et Registrum seu Vidimus possit cum fuerit expediens produci, et etiam præsentari.
Testam. Philippi Boni ann. 1441. apud Miræum tom. 2. pag. 1262. col 2 :
Volumus denique ut Litteris publicationis aut earum apographis, vulgo Vidimus dictis, quæ post decessum nostrum inde describentur, etc. Concedit........ Vidimus unum aut plura fieri vim originalis in se habentia,
apud Marten. tom. 6. Ampl. Collect. col. 611. Interdum pro Vidimus, habetur vox Inspeximus, ut in Chron. W. Thorn. pag. 2123. Veterum Vidimus ea fuit formula ex Tabulario Brivatensi fol. 1 :
In nomine Dom. Ego Ludovicus Dei gratia Rex Francor. et Dux Aquitanor. Hoc est, præceptum Karoli gloriosissimi Regis ad munificentiam B. Juliani, datum sub tempore venerabilis Frotharii Archiepiscopi : Si petitionibus, etc.
Ita in Charta alia ann. 1279. fol. 2.
les Bénédictins de St. Maur, 1733–1736.
◊ Variæ tantisper pro variis sæculis obtinuerunt formulæ, ut docet Mabillonius Diplom. lib. 1. cap. 7. Antiquior est ea in qua prioris instrumenti duntaxat fiebat mentio et confirmatio : recentior vero quæ illud iutegrum exhibebat, quod sub Carolo M. inductum fuisse probat ejusdem Imperatoris Diploma pro Novaliciensis Instrumenti renovatione :
Non enim, inquit, ex consuetudine anteriorum Regum hoc facere [] decrevimus : sed solummodo propter necessitatem et mercedis augmentum transcribere præcipimus.
Consule Mabillonium loco laudato.
Vidisse, Eadem notione. Arestum Paris. 6. Febr. 1321 :
Exhibentis copias seu Vidisse quorumdam arestorum, etc.
© École des chartes.