VIGERIUS, Glossarium mediae et infimae latinitatis, Du Cange et al.

VIGERIUS, Vicarius, ex Gallico Viguier. Vigarius Comitis,

<cit>in Chartis Parensalibus form. 6. et 7. Charta Ludovici VI. Regis Franc. ann. 1114 :

Ita ut in toto foro nec in claustro....... in prædictis solennitatibus Dapifer noster, vel Præpositus, vel Vigerius, vel Thelonearius aliquid auferre...... præsumat.

</cit>

<cit>Chronicon MS. Bertrandi Guesclini :

Je vous fay mon Viguier, le miien lieu tenrez.

</cit>

Occurrit præterea apud Thomasser. in Biturig. pag. 227. De Lauriere tom. 1. Ordinat. Reg. Franc. pag. 10. Menester.

Hist. Lugdun. pag. 84. Fleureau Hist. Blesens. pag. 112. in Gall. Christ. tom. 4. col. 149. etc. Vide Viarius et Vicarius.

les Bénédictins de St. Maur, 1733–1736.

Viguerius, Eodem significatu. Litteræ ann. 1356. inter Ordinat. Reg. Franc. tom. 3. pag. 112 :

Ut nos de cetero justiciam faceremus, et fieri et servare mandaremus per senescallos, Viguerios, prepositos et alios quoscumque officiales, etc.

Libertat. villæ Figiaci ann. 1369. ibid. pag. 264 :

Viguerius et judex ipsius ville Figiaci, qui soli judices nostram curiam regalem in dicta villa habent exercere et eciam gubernare, etc.

Charta ann. 1274. tom. 1. Hist. Dalph. pag. 126 :

Item..... quod dictus Archiepiscopus, Viguerius, correarius seu judex non occupent, etc.

Occurrit rursum ibid. pag. 140. Arestum Parlamenti Tolos. ann. 1498 :

Si prisonerios et præventos in causa criminali coram præfatis officiariis.... ad ipsos Viguerium et judicem Albiæ appellare contingat.

Statuta Avenion. rubr. 2. art. 1. pag. 3 :

Institutus Viguerius jurabit in concilio civitatis, de dicta civitate et ejus territorio extirpare pravitatem hæreticam, etc.

P. Carpentier, 1766.

◊ Alias Vier et Vierg. Lit. Roberti ducis Burg. ann. 1294. inter Probat. tom. 1. Hist. Nem. pag. 135. col. 1 :

Il est bon que vous mandez les chastelains, les prévoz et les Viers de vostre seneschaucie, etc.

Pactum inter Phil. ducem et episc. August. ann. 1366. inter Probat. tom. 3. Hist. Burg. pag. 17. col. 1 :

Item comme Oudot de Ramilly, lors Vierg d'Ostun pour mons. le duc, eust gaigié, etc.

Vigerii, Viarum Domini, Seigneurs Voiers. Vigerii feodales, in Libertatibus de Boisdecené in Pictonibus ann. 1265. Vide in Mestiva.

Vigeria, Justitia et jurisdictio Vicarii. Charta Gaufredi Comitis Andegav. et Agnetis uxoris pro fundatione Abbat. B. Mariæ Santonensis ann. 1047. in Reg. 114. Tabul. Regii ch. 239. et inter Instr. tom. 2. Gall. Christ. novæ edit. col. 481 :

Consuetudinem illam etiam, quæ Vigeria dicitur, scilicet de homicidio, de furto, rapto, et incendio Deo et B. Mariæ.... sinimus.

Alia Joannis Regis Angliæ ibid. :

Sed domos, curtes, possessiones suas, homines et mansionarios earumdem, Vigeriam, altam et bassam justitiam de furto, de raptu, etc.

Charta Bernardi Episcopi Santonensis ann. 1151 :

Et contra vero Ecclesia ista instantius cum omni reluctamine hæc omnia negabat, asserens, quod nec consuetudines istas, nec Vigeriam, nec exactionem aliquam in hominibus suis habebat, etc.

Charta ann. 1208. ex Tabular. B. M. de Nantolio diœc. Inculism. :

Vigeria parva seu magna, seu cognitio, cohertio et punitio cujuscumque cohertionis realis, et personalis, seu mixtæ, et omni emolumentum jurisdictionis prædictæ, etc.

Charta Mauricii de Bellavilla Dom. Ganaschiæ, Sept. 1265. pro Libertatibus de Boisdecené :

Sed sciendum est, qualis sit Vigeria : illa talis est, raptum, furtum, murtricia, et traditiones, et omne malefactum de caminis feodalibus, la meslée caminorum feodalium, in qua sanguis non apparuerit, etc.

les Bénédictins de St. Maur, 1733–1736.

Vigeriata, Jurisdictio, districtus Vigerii. Charta Ludovici VIII. Reg. Franc. ann. 1224. tom. 1. Ordinat. pag. 49 :

In septena, et unaquaque Vigeriata unus tantum Vigerius habeatur.

les Bénédictins de St. Maur, 1733–1736.

Vigaria, Eadem notione. Charta ann. 883. inter Probat. tom. 1. novæ Hist. Occitan. col. 138 :

Curte mea....... quæ est in pago Rutenico, in Vigariis cui vocabulum sunt Cambarense et Bruscense.

Notitia ann. 957. ex Tabul. Gellon. :

Una de vinea modiata......... in Vigaria Agonensi. Vigaria Albiensis,

in Testam. Johannis Episc. Albiens. ann. 1473. apud Marten. tom. 1. Anecd. col. 1843.

les Bénédictins de St. Maur, 1733–1736.

Vigueria, Justitia, jurisdictio, officium Viguerii. Charta ann. 1362. tom. 1. Hist. Dalph. pag. 146 :

Jaquemetus Archinjaudi filius... nobis fecit homagium de Vigueria et officio toto Vigueriæ castri et mandamenti de Peyrino cum pertinentiis ejusdem.

les Bénédictins de St. Maur, 1733–1736.

Vigueria, Exactio quam Viguerius faciebat intra vigueriæ seu limites. Homagium Guidonis Vicecom. Lemovic. præstitum Abbati S. Martialis ann. 1245. apud Stephanotium tom. 2. Fragm. Histor. MSS. :

Nos et præpositus, et viguerii, et præpositi nostri in quadam parte burgi de Monmalier ingerendo nos et levando ibidem et in aliis locis accusagia et Vigueriam et quædam alia quæ ad abbatem et conventum jure dominii pertinebant.

Charta ann. 1262. ex Chartular. S. Benigni Divion. :

Idem Bertrandus pro illis quadraginta solidis...... quittavit in perpetuum decimam et Vigueriam suam in finagio de Giron.

P. Carpentier, 1766.

Vigeria, Præstatio, quæ vigerio solvitur. Charta ann. 1342. in Reg. 75. Chartoph. reg. ch. 337 :

Petebat idem Durandus sibi reddi et dimitti ab eisdem religiosis (Mauziaci) quasdam Vigerias et decimas bladi, junctas seu commixtas quodammodo supradictis parceriis.

les Bénédictins de St. Maur, 1733–1736.

Vigueriatus, ut Vigeria, Justitia, jurisdictio Viguerii. Bulla Nicolai V. PP. ann. 1447. apud Sebast. Fanton. tom. 1. Hist. Avenion. pag. 31 :

Decernimus ut sicut hactenus fuit curia Vigueriatus auditoris causarum cameræ Apostolicæ in civitate prædicta firmiter conservetur.

les Bénédictins de St. Maur, 1733–1736.

Vigeria, Uxor Vigerii. Obituar. Eccl. Autiss. MS. ad diem 18. Mart. :

Eodem die obitus Nazariæ Vigeriæ Autissiodorensis.

les Bénédictins de St. Maur, 1733–1736.

Vigeralis, Vigerarius, Justitiæ Vigerii obnoxius. Charta Philippi Episcopi Pictav. ann. 1232. apud Stephanot. tom. 3. Antiquit. Bened. Pictav. MSS. pag. 844 :

Fuit taliter diffinitum quod mobilia murtrariorum convictorum hominum abbatis Vigeralium, prior de Mairec vel mandatum abbatis de cætero saisibit, et divisione facta eorumdem mobilium per priorem vel per mandatum abbatis media pars electa a Vigerio per manum prioris eidem tradetur.

Charta ann. 1314. ex Chartul. S. Johannis Angeriac. pag. 168 :

Una cum omnibus censibus, reditibus, hominibus Vigerariis, jurisdictione, juribus et deveriis omnibus.