« »
 
[]« Violus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 346b. http://ducange.enc.sorbonne.fr/VIOLUS
VIOLUS, Angustior callis, semita, quasi minor via. vulgo Viol, sentier. Inquisit. ann. 1268. ex Schedis Præs. de Mazaugues :
Protenditur recta linea per Violum quo itur a dicto rompeali usque ad caminum quo itur, etc.
Infra :
Protenditur recta linea per caminum S. Petri usque Violum quo itur ad vallem sauneriam.
Charta ann. 1278. ex Tabul. Massil. :
Ita quod dictus claperius remanens a parte orientis et dictus Violus in medio dicti claperii, etc.
Alia ann. 1447. ex eodem Tabul. :
Donavit ortum suum confrontantem cum bario civitatis et cum Violo quo itur super mœnia. Violo in medio,
in Necrolog. Eccl. Regiens. Charta Maurini Abb. Vallis-sanctæ diœc. Apt. ann. 1509 :
Reservato quodam Violo sive draya pro passagio.
Inventar. Recognit. num. 18. cap. 41. de Vouta fol. 336 :
Confrontat cum Violo tendente de S. Albano ad mansum, etc.
Vide Viola 1.
les Bénédictins de St. Maur, 1733–1736.
Violetum, Violetus, diminut. a Violus, Eodem intellectu. Consuetud. Dombenses MSS. ann. 1325 :
Si ita esset quod aliquod iter publicum seu Violet iret seu tenderet per terram alterius nobilis, etc.
Terrarium Castellion. Domb. ann. 1463 :
Violetum tendens de Lurciaco ad portum Bellevillæ ex Occidente.
Terrarium Bellijoc. :
Juxta Violetum tendens ab ecclesia sancti Mamerti ad mansum de la Cortablize.
Pluries ibi. Inquisit. ann. 1496. in tractu Dombarum :
Guillermus Viverii deponit se noscere metodum seu senterium de quo agitur, qui metodus seu Violetus, et via ad pedes,... est communis et publica.
© École des chartes.