VIRIDITENTORIANI, qui et de Viriditentorio, Factiosi apud Leodienses sub annum 1466. primum a colubrissis Colubrissarii appellati, dehinc a viridi vexillo seu tentorio, quo utebantur, dicti Viriditentoriani. Adrianus de Veteri-busco de Reb. Leod. apud Marten. tom. 4. Ampl. Collect. col. 1288 :

Colubrissarii dominabantur, nec permittebantur duo boni cives loqui pariter, quin vellent scire de quibus esset sermo. Et si aliquis contradixisset ipsis, de mane invenit domum combustam vel horreum incensum. lgitur in hebdomada sacra ante Pascha, domus absentium cœperunt spoliari, et illi de Viridi-tentorio discurrebant per totum Comitatum Lossensem, spoliando et incendendo domos eorum qui partem faciebant cum electo.

Ibidem col. 1306 :

Tunc temporis cœperunt illi de Viridi-tentorio iterum spoliare domos absentium.

Rursum col. 1309 :

Illi de Viridi-tentorio associaverunt se super forum in Hasselt.