UNCEASESATH. Leges Inæ Regis. cap. 37. 35. :

Qui furem occiderit, liceat ei probare jurejurando, quod eum fugientem pro fure occidit, et parentibus ipsius occisi juret Unceases ax, i. sacramentum sine electione vel nominatione.

Ubi ath, pro ax, emendat Somnerus, aitque perperam has voces Saxonicas redditas a Bromptono et Lambardo ; sed potius legi debere, ut præfert codex Roffensis, Unceastesaþ, i. cognati vero interfecti (furis) jusjurandum præstant (cædem ejus) se non vindicaturos. Ceast enim Saxon. lis, jurgium, inimicitia ; cui, un, adversativa particula præposita, contrarium significat.