« »
 
[]« 1 uncia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 366b. http://ducange.enc.sorbonne.fr/VNCIA1
1. UNCIA, Uncia auri, in mulctis pecuniariis. Lex Wisigoth. lib. 3. tit. 3. § 3 :
Qui in raptu interfuisse cognoscitur, si liber est, sex auri Uncias reddat, etc.
Adde lib. 2. tit. 1. § 25. Lex Bajwar. tit. 1. cap. 2 :
In primis incurrat Dei judicium, et offensionem sanctæ Ecclesiæ, et judici terreno persolvat auri Uncias tres, etc.
Decretale precum quorumdam Episcoporum ann. 799 :
Et qui redimere ipsas biduanas voluerit, fortiores Comites Uncias tres, mediocres Unciam et dimidiam, minores solidum unum.
Vide Pachymerem lib. 11. cap. 21. pag. 290.
les Bénédictins de St. Maur, 1733–1736.
Uncia, Monetæ genus, in usu apud Siculos aliosque. Computus ab ann. 1333. ad ann. 1336. tom. 2. Hist. Dalph. pag. 285 :
De quo toto præsenti computo collectæ sunt summariæ informationes quæ secuntur, videlicet, de pecunia recepta in Karolenis argenti et reducta ad Florenos de Florentia, computata qualibet Uncia pro quinque florenis, et quolibet floreno pro vi. tarenis, et quolibet tareno pro duobus Carolenis, et quolibet Caroleno pro decem granis, etc.
Litteræ Roberti Reg. Jerusal. et Siciliæ ann. 1314. ibid. pag. 151. col. 1 :
Infrascripta gagia statuimus ; videlicet pro persona sua ad rationem de Uncia una per diem, cuilibet dictorum militum ad rationem de Unciis tribus ponderis generalis per mensem.
Occurrit rursum pag. 151. 238. et 239. Memoriale Potestat. Regiens. ad ann. 1218. de Obsidione Damiatæ, apud Murator. tom. 8. col. 1091 :
Sed de pane recenti et vino, et de carne frescha caristiam magnam habebant, ita quod aries unus x. Unciis venditus fuit, et una gallina xxx. soldos, et unum ovum duos soldos.
Falco Benevent. in Chron. ad ann. 1132 :
Affirmabant quoque Uncias auri a Rege innumeras accepisse.
Charta ann. 1045. ex Tabul. S. Victoris Massil. :
Et [] accipiet ab eo Uncias x. auri boni de lspania per xv. Uncias auri legitime pensatas.
Epist. Petri de Condeto apud Acher. tom. 2. Spicil. pag. 563 :
Promisit etiam dictus Rex Tunis se redditurum domino Regi Franciæ et Baronibus suis, pro expensis in viam factis ducentas et decem mille Uncias auri, quarum quælibet Uncia valet quinquaginta solidos Turonenses.
Charta ann. 1384. libram et Unciam promiscue accipit : alia ann. 1284. duas libras censuum in 24. uncias dividit. Utramque laudat Schilterus in Gloss. Teuton. v. Unze. Donatio Anshelmi Abb. Laurisham. apud Tolner. inter Instr. Hist. Palat. pag. 17 :
Bubo ex duobus mansis et prato,...... et de una biunda xxx. denarios, et de molendino in Furden v. Uncias solvere debet.
Vide Guerard. Proleg. Polypt. Irminon. pag. 192.
© École des chartes.