« »
 
[]« Urceolus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 383b. http://ducange.enc.sorbonne.fr/VRCEOLUS
URCEOLUS, Inter ministeria seu vasa sacra recensetur. Lanfrancus Cantuar. Epist. 13 :
Urceolus quid sit, liquido patet, est enim vas superius, unde lavandis manibus aqua infunditur.
Stephanus Eduensis lib. de Sacram. altaris cap. 4. ubi de Acolytorum ordinatione :
Accipiunt et Urceolum, in quo datur eis potestas infundendi aquam in calicem dominicum.
Testamentum Riculfi Episcopi Helenensis ann. 915 :
Conchas æreas 2. ad chrisma conficere, Urceolo uno cum aquamanile, etc.
Charta ann. 1197. apud Ughell. tom. 7. pag. 1274 :
Duos Urceolos argenteos pro vino et aqua.
Orceolus, in veteri Charta plenariæ securitatis, exarata sub Justiniano, apud Brissonium in Formul. pag. 647 :
Conca aurea una, Orceolo æreo uno, lucerna cum catenula, etc.
Acta Episcop. Cenoman. apud Mabill. tom. 3. Analect. pag. 390 :
Duos Orceolos argenti cum pyxide argentea ad hostias reponendas.
les Bénédictins de St. Maur, 1733–1736.
Urceolus, Situla, Gall. Seau. Falcandus in Hist. Sicul. apud Murator. tom. 7. col. 257 :
Ubi et rotæ volubilis obsequio descendentibus itemque ascendentibus Urceolis, puteos videas exhauriri, cisternasque adjacentes impleri, etc.
P. Carpentier, 1766.
◊ Glossar. Lat. Gall. ex Cod. reg. 7692 : Urceolus, Ponsonnet.
© École des chartes.