« »
 
USUS 1, USUS 2, USUS 3, USUS 4, USUS 5.
[]« 1 usus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 391b. http://ducange.enc.sorbonne.fr/VSUS1
1. USUS, Musicæ species, quæ non per regulas, sed ex usu addiscitur, notis musicis in libris Ecclesiasticis singulis syllabis superpositis, abrogatis ac neglectis lineis et clavibus musicalibus ; cujus quidem musicæ speciel exemplum descripsit Menardus in Notis ad librum [] Sacramentorum Gregorii M. Anonymus Interpres Hugonis Reutlingensis :
Post Incarnationem Christi plures Doctores S. Ecclesiæ, et specialiter S. Gregorius et Ambrosius, cantum musicalem, quo tam Latini, quam Alemanni, cum cæteris linguarum diversarum nationibus, utuntur in divino officio, in duo volumina librorum, videlicet in Antiphonarium et Graduale collegit, dictavit, et neumavit, seu notavit. Processu tamen temporis quidam Alemanni, et præcipue Canonici Ord. S. Benedicti, qui cantum musicalem non solum ex arte, verum etiam ex usu et consuetudine perfecte et cordetenus didicerant, ipsum, omissis clavibus et lineis, quæ in neuma et nota musicali requiruntur, simpliciter in libris eorum notare cœperunt, et sic decantaverunt deinde juniores, et suos discipulos sine arte, ex frequenti usu et ex magna consuetudine cantum informare, qui cantus sic per consuetudinem doctus ad diversa pervenit loca. Unde jam non Musica, sed Usus est denominatus. In quo tamen cantu discipuli deinde a doctoribus et doctores a discipulis multiformiter discrepare cœperunt, ex qua discrepantia et artis ignorantia Usus dictus est confusus. Quo usu confuso spreto, nunc fere omnes Alemanni hactenus miserabiliter per cantum seducti ad veram artem Musicæ revertuntur.
les Bénédictins de St. Maur, 1733–1736.
◊ Huc spectat Chronicon Trudonense lib. 8. apud Acher. tom. 7. Spicil. pag. 441 :
Sed cum nesciret secundum usum claustri cantare (usus cantandi, nescimus unde hoc acciderit, nulli comprovincialium nostrorum convenit) erubesceret vehementissime, quasi stipem inutilem inter cantandum in choro stare,.... graduale unum propria manu formavit, musiceque notavit syllabatim, ut ita dicam, totum usum prius a senioribus secundum antiqua eorum gradualia discutiens. Sed cum usus eorum per quamplurima loca propter vitiosam abusionem et corruptionem cantus, nullo modo ad certam regulam posset trahere, et secundum artem non posset notare, nisi quod regulari et verisona constaret ratione, ipse autem ab usu Ecclesiæ non facile vellet dissonare, miro, ut dixi, indicibilique labore in hoc tantum se frustra afflixit, quod ex toto usum mendacem regula vera tenere non potuit ; sed in hoc profecit quod quidquid alicubi in monocordo cantari potuit de usu Ecclesiæ non prætermisit se præterire.
© École des chartes.
[]« 2 usus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 391c. http://ducange.enc.sorbonne.fr/VSUS2
2. USUS, Præstatio qua ex usu pensitatur, idem quod Usitata supra. Charta ann. 1030. ex Tabul. S. Victoris Massil. :
Ego Rostagnus Avenionensis Episcopus contra præceptum Dei malum Usum habebam,...... scilicet accipiebant homines mei de vineis S. Promacii pro custodiis quæ vulgo gardias dicuntur contra morem quantum illis videbatur. Sed et de villanis qui habitant in ipsa villa Sancti consuetudines malas accipiebant, et vi auferebant quod poterant ; unde ego considerans quia magnum peccatum esset hoc et contra Dei voluntatem, dimisi malum Usum.
Vide Consuetudo 4.
© École des chartes.
[]« 3 usus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 391c. http://ducange.enc.sorbonne.fr/VSUS3
3. USUS, Jus utendi, ut supra Usuria. Inventar. Chartar. Reg. ann. 1482. fol. 204. v° :
Litteræ sub sigillo religiosorum abbatis et conventus S. Judoci in bosco mentionem facientes de excambio Usus sive usagii quod habebant in silva de Cressy.
© École des chartes.
[]« 4 usus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 391c. http://ducange.enc.sorbonne.fr/VSUS4
4. USUS, Detritus, Gall. Usé. Inventar. ann. 1476. ex Tabul. Flamar. :
Item plus duo linteamina Semiusa ejusdem telæ borgesiæ.
Vide Usatus in Usare.
© École des chartes.
[]« 5 usus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 391c. http://ducange.enc.sorbonne.fr/VSUS5
5. USUS, adject. Qui ab antiquo tempore [] in usu est, cujus initium ignoratur. Charta ann. 1235. in Chartul. Cluniac. :
Jocerannus Grossus, Branceduni dominus,.... concedo quitationem, quam Stephanus dominus Calvimontis fecit monachis Cluniacensibus de Bernardo des Pomiers, quem ipse Stephanus quitavit ab omnibus, exceptis moribus Usis in villa de la Verrere.
© École des chartes.