UT DICITUR, Formula quæ cautionis causa ad nauseam usque adhibetur in Instrumentis 11. 12. et 13. sæculi : omnium instar sit Charta Officialis Paris. ann. 1248. ex Tabul. Sangerm. :

Notum facimus quod in nostra præsentia constitutus Godefridus de Anthogniaco clericus, recognovit se vendidisse et in perpetuum quitavisse Abbati et Conventui S. Germani de pratis..... arpentum et dimidium vineæ sitæ apud prata, Ut dicitur, in censiva eorumdem Abbatis et Conventus, Ut dicitur, ad x. denarios, Ut dicitur, capitalis census, et ad vii. sextarios vini annui redditus, Ut dicitur. Item arpentum et dimidium vineæ sitæ apud Treugas, Ut dicitur, ad xii. denarios censuales, Ut dicitur. Item quoddam arpentum terræ sitæ apud Boufre, Ut dicitur, in censiva dictorum Abbatis et Conventus, Ut dicitur, ad viii. denarios, Ut dicitur, censuales. Item dimidium arpentum vineæ sitæ in eadem censiva, Ut dicitur, ad v. denarios, Ut dicitur, censuales, et quamdam domum sitam juxta eandem vineam, Ut dicitur, in censiva Domus Dei Paris. Ut dicitur, ad ii. denarios, Ut dicitur, censuales.