« »
 
[]« Uxorare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 397b. http://ducange.enc.sorbonne.fr/VXORARE
UXORARE, Uxorem dare, maritare, in Statutis Venetor. ann. 1242. lib. 1. cap. 57. lib. 2. cap. 8.
P. Carpentier, 1766.
◊ Libert. S. Joan. Angeriac. ann. 1204. tom. 5. Ordinat. reg. Franc. pag. 671 :
Concedimus etiam, ut eis et eorum hæredibus ad libitum suum, puellas et viduas suas nuptui tradere et juvenes Uxorare... liceat.
Occurrit etiam in Chron. Alber. monachi tom. 10. Collect. Histor. Franc. pag. 285. Glossar. Gall. Lat. ex Cod. reg. 7684 : Uxorare, marier, prendre femme à mariage.
les Bénédictins de St. Maur, 1733–1736.
Uxorare, Nubere. Gloss. Lat. Gall. Sangerm. : Uxorare, prandre femme par [] mariage, conjoindre à femme. De viro et muliere itidem dicitur. Tabular. Calense fol. 117 :
Omnes homines ipsius monasterii (Calensis) de corpore tenentur ipsi monasterio in forimaritagio, si ipsos maritari seu Uxorari contigerit in alienam uxorem seu mulierem, feminam de corpore dicti monasterii non existentem.
Concil. Coyacence ann. 1040. inter Hisp. tom. 3. pag. 210 :
Intra etiam dextros ecclesiæ laici Uxorati non habitent.
Charta Conani Ducis Britan. ex Tabul. B. M. Andegav. :
Plurimi antecessorum meorum præfatam capellaniam perniciose administrari permiserunt, dantes illam in hominagium Uxoratis sacerdotibus et filiis eorum jure hæreditario.
Charta ann. 1274. tom. 1. Hist. Dalph. pag. 126. col. 2 :
Non permittant...... morari mulierem Uxoratam publice in prostibulo : ........ si aliquis cum ea causa adulterii capiatur, non puniatur pœna, qua adulteri consueverunt puniri, nisi constaret quod ille captus, sciret eam esse Uxoratam.
Statutum Johannis Regis Franc. ann. 1360. tom. 3. Ordinat. pag. 468 :
Quilibet Judeus Uxoratus caput domus, etc.
Quæ vernacule ibidem sic redduntur :
Chascun Juyfs chief d'ostel et Marié, etc.
◊ Uxorum commutationem obtinuisse olim ex abusu in Hibernia, docet Lanfrancus Cantuar. Archiep. in Epistola ad Gothricum Hiberniæ Regem :
In regno vestro prohibentur homines seu de propriarum, seu de mortuarum parentela conjuges ducere : alii legitime sibi copulatas pro arbitrio et voluntate relinquere : nonnulli suas alii dare, et aliorum infanda commutatione recipere.
Eadem habet in Epistola ad Terdelvacum Hiberniæ Regem, apud Baronium ann. 1089. ut et S. Anselmus lib. 3. Epist. 142. 167. Vide Gregor. VII. PP. in Append. Epist. 1. et Joan. Sarisberiensem Epist. 53. Huc forte respexit Beda lib. de Remed. peccat. cap. 7 :
Qui dimiserit uxorem suam alteri conjugi, etc.
les Bénédictins de St. Maur, 1733–1736.
Uxoreus, Conjugalis. Charta Caroli Calvi ann. 862. apud Doubletum Hist. S. Dionysii pag. 800 :
Nec non et in Idibus Decembris, quando Dominus me et dilectam conjugem Hirmintrudem Uxoreo vinculo copulavit.
les Bénédictins de St. Maur, 1733–1736.
Uxoriosus, ὁ τὴν ἰδίαν γυναῖϰα φιλῶν. Gl. Lat. Gr.
© École des chartes.