WARNOTH. Terræ de Warnoth, in Monastico Anglic. tom. 2. pag. 589. dicuntur apud Anglos Prædia obnoxia præstationi quæ duplicatur, quoties exacto solutionis tempore exigitur a domino prædii : hæc maxime circa Dubrim obtinuit. Placit. ann. 33. Edward. I. Linc. rot. 46. in Abbrev. Placit. pag. 255 :

Vocatur illud servicium Warnoth, hac scilicet ratione, quod si redditus ille primo die termini non solvitur, duplex in crastinum solvetur, et si in illo crastino non solvatur, tunc tercio die triplum solvetur ; et sic de die in diem augmentabitur solucio illius redditus, quousque plene persolvatur. Et dicit quod ipse eadem feoda, etc. tenet de honore castri Dovoriæ, etc.

Vide Grimm. Antiq. Jur. Germ. pag. 387.