WAULASSUS. Vetus Inquisitio apud Will. Dugdalum in Antiquitat. Warwicensis Provinciæ pag. 665 :

Et quotiescunque dominus ad venandum venerit, illi custumarii solebant fugare Waulassum, et stabulum in fugatione ferarum bestiarum secundum quantitatem tenuræ suæ, ut illi, qui tenuerunt integram virgatam terræ per 2. dies, et sic de aliis.

Infra :

Et solebant amerciari similiter, si non venerint ad Waulassum, quoties dominus ad venandum venerit.

Anglis Wawl est felinum clamorem edere, Gall. Miauler. Porro eo loci agi videtur de incondito clamore quem ad fugandas feras inter venandum ex servitio edere tenebantur vassalli. Forte Volutabrum, ab Angl. to wallow, Volutare, Sax. weal wian.