« »
 
[]« Woodwardus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 418a. http://ducange.enc.sorbonne.fr/WOODWARDUS
WOODWARDUS, vox Angl. Silvarius, Viridarius, Saltuarius, proprie silvæ custos, Forestarius. Charta scripta sub Edw. I. apud Prynn. tom. 3. Libertat. Angl. pag. 1233 :
Constabularius de Windesor nititur omnibus modis compellere Wodewardos nostros de manerio de Weregrave ad præstandum fidelitatis sacramentum de venatione Domini Regis fideliter conservanda, etc.
Vetus Inquisitio apud W. Dugdalum in Antiquit. Warwici pag. 665 :
Et solebant inter eos habere dimidiam partem feodi Woodwardi de venatione capta.
Iter Justitiarior. pro forestis de Pickering. ann. 8. Edw. III :
Quod prædictus Henricus de Percy, et omnes antecessores sui, tenentes manerium prædictum a tempore, quo non exstat memoria, et sine interruptione aliquali tenuerunt prædictum manerium cum pertinentiis extra Regardum forestæ, et habuerunt Woodwardum portantem arcum et sagittas ad præsentandum præsentanda de venatione tantum, etc.
Woodwardia seu Wodewardia, Silvarum custodia, in Charta Edw. III. Reg. Angl. laudata in Raglorium.
© École des chartes.