3. ZONA Reginæ, Præstationis species. Chron. Corn. Zantfliet apud Marten. tom. 5. Ampl. Collect. col. 328 :

Eo tempore (ann. 1385.) Rex Francorum accepit in conjugem filiam ducis Bavariæ, juvenculam speciosam admodum et moribus ornatam, quam postmodum coronari fecit Parisius, advocatis ab Avenione duobus Cardinalibus de obedientia Clementis. Et imposuit Rex talliam magnam toti regno pro Cinctura Reginæ, velut ex antiqua consuetudine fieri famabatur.

Regestum Memorialium Cameræ Comput. Paris. signatum E. fol. 217 :

Zona Reginæ dicta, la taille du pin et du vin, de tribus annis videlicet 600. ll. pro anno 1389.

Meminit præterea ejusce præstationis Arestum ann. 1415. quod describitur in 2. Regesto des Mestiers de Paris, in Camera Comput. Paris. ex quo constat, de dicto subsidio 6. denarios pro qualibet cauda vini, et 3. denarios Paris.

pro quolibet modio seu poinsono vini villam Parisiensem per aquam sive terram intrante exsolutas

. Post hoc Arestum subjungitur titulus ita conceptus :

Taille du pain et du vin, dite la Ceinture la Royne, qui se lieve de trois ans en trois ans, etc.

Huc referenda, quæ habet Eustathius in Iliad. pag. 258. edit. Rom.